Fréttir

Fróðleikur og skemmtun

Fróðleikur og skemmtun

Bæklingurinn okkar með námskeiðum á sviði menningar, persónulegrar hæfni og tungumála er kominn út. Í honum kynnum við með stolti rúmlega sjötíu námskeið þar sem fróðleikur og skemmtun fléttast saman.

Námskeiðin fjalla m.a. um jarðfræði, fuglaskoðun og trúarbrögð en einnig um Róm, París og Bandaríkin. Nokkur námskeið misserisins þjálfa skriftir, s.s. gerð kvikmyndahandrita, ævisagna eða söngtexta. Bókmenntir, tónlist, leikrit, tungumál, heimspeki og fjölbreytt sjálfsstyrkingarnámskeið eru á sínum stað ásamt nýjum viðfangsefnum.

Í honum má jafnframt lesa viðtal við Torfa Tulinius sem kennir Íslendingasagnanámskeiðið okkar á vormisseri sem og umfjöllun um vinsæla námskeiðið Heimili og hönnun.

Rafræn útgáfa

Þeir sem hafa sótt námskeið í þessum flokkum undanfarin misseri fá bæklinginn sendan heim. Aðrir geta skoðað hann með því að smella hér eða sent okkur línu á netfangið endurmenntun@hi.is eða hringt í síma 525 4444 og við sendum hann heim. 

Smella á námskeiðsheiti

Athugið að þegar hann er skoðaður rafrænt er hægt að smella á námskeiðsheiti og þá lendir þú inn á viðkomandi námskeiði á vefsíðunni okkar.

0