Endurmenntun hefur aðsetur við við Dunhaga 7 í Reykjavík

Afgreiðslutími í desember

Afgreiðslutími skrifstofu Endurmenntunar er frá kl. 8:00-16:00 alla virka daga í desember og lokað um helgar. Skrifstofan er lokuð frá 23. desember til og með 1. janúar 2017.

Almennur afgreiðslutími skrifstofu:

Afgreiðslutími skrifstofu Endurmenntunar er frá kl. 8:00-22:00 alla virka daga og á laugardögum frá kl. 9:00-12:00. Sumarafgreiðslutími er 8:00 - 16:00 alla virka daga.

Heimilisfang:

Endurmenntun Háskóla Íslands
Dunhaga 7
107 Reykjavík
Sími: 525 4444

Snemmskráning

Tíu dögum fyrir upphafsdag námskeiðs lýkur snemmskráningu, nema þegar um erlenda kennara er að ræða þá er snemmskráningarfresturinn lengri og mismunandi eftir námskeiðum.

Ákvörðun tekin hvort námskeið verði haldið

Við snemmskráningardagsetningu er farið yfir hvort lágmarksþátttöku hefur verið náð og tekin ákvörðun um hvort halda eigi námskeið.

Afsláttur til þeirra sem skrá sig snemma

Allir sem skrá sig fyrir snemmskráningarfrestinn fá afslátt af námskeiðsgjaldi. Við hvetjum því alla áhugasama til að skrá sig tímanlega á námskeið.

Greiðslufyrirkomulag
Greiðsluskilmálar og greiðslukjör

Athugið að námskeiðsgjaldið mun innheimt að fullu ef skráður þátttakandi hættir við að sitja námskeið, en hefur ekki tilkynnt forföll með tölvupósti til Endurmenntunar á netfangið endurmenntun@hi.is að minnsta kosti 48 klukkustundum áður en námskeið hefst. Aðrir skilmálar gilda ef um erlenda kennara er að ræða þá verður afskráning að berast að minnsta kosti 28 dögum áður en námskeið hefst.

Heimilt er að senda annan þátttakanda í stað þess sem forfallast. Vinsamlegast látið okkur vita um allar breytingar með eins góðum fyrirvara og unnt er.

Á ákveðnum námskeiðum getur EHÍ óskað eftir fyrirframgreiðslu námskeiðsgjalda.

Ef óskað er eftir að námskeiðsgjaldi sé skipt niður vinsamlegast hafið samband við gjaldkera í síma 525 5295 eða 525 4949.

Rafrænir reikningar

Viðskiptavinir Endurmenntunar geta sótt reikning sinn vegna greiðslu námskeiðsgjalda í heimabanka undir Rafræn skjöl.

Skuldfært um það leyti sem námskeið hefst 

Ef greitt er með greiðslukorti við skráningu á heimasíðu Endurmenntunar er skuldfært af korti greiðanda um það leyti sem námskeið hefst og kvittun send í kjölfarið. Ef ekki er greitt með greiðslukorti er rafrænn reikningur ásamt greiðslukröfu sendur í heimabanka þátttakenda um það leyti sem námskeið hefst.

Styrkir frá stéttarfélagi

Ef þátttakandi hyggst sækja um endurgreiðslu námskeiðsgjalds hjá sínu stéttarfélagi skal bent á að starfsmenntunarsjóðir taka gilda útprentun á rafrænum reikningi úr heimabanka ásamt greiðslufærslu viðkomandi reiknings.

Námskeið - afsláttarkjör

Almennt

Aðeins er hægt að nýta ein afsláttarkjör á hvert námskeið. 

Í einstaka tilfellum er Endurmenntun umboðsaðili fyrir námskeið og í þeim tilfellum gilda ofangreind afsláttarkjör ekki.

Endurmenntun býður reglulega önnur afsláttarkjör á sérvalin námskeið og er það auglýst á heimasíðu okkar.

Mörg stéttarfélög og fagfélög veita námskeiðsstyrki og hvetjum við fólk til að kanna það hjá sínu félagi.

Endurmenntun áskilur sér rétt til að fella niður eða fresta námskeiðum ef ekki næst nægur þátttakendafjöldi eða ef aðrar ófyrirsjáanlegar aðstæður skapast.

Einstaklingar

Allir sem náð hafa 67 ár aldri sem og öryrkjar fá 10% afslátt af verði námskeiða í flokkunum Menning og Persónuleg hæfni.
Einstaklingur sem sækir fimm eða fleiri námskeið á sama misseri fær 20% afslátt.

Fyrirtæki

Fyrirtæki sem skráir fimm eða fleiri þátttakendur á námskeið fær 20% afslátt.

Námsbrautir Endurmenntunar

Við upphaf náms er gefinn út reikningur fyrir heildarverði námsins.

Þeir sem ekki staðgreiða námið þurfa að semja um greiðslumáta áður en nám hefst. Hægt er að greiða með kortaláni til allt að 36 mánaða. Vinsamlega athugið að ekki er hægt að fá námsgjald fellt niður þótt nemandi hætti námi áður en námstíma lýkur. 

Eininganámskeið á grunn- og meistarastigi

Námskeiðin þarf að greiða fyrirfram eða um leið og umsókn hefur verið samþykkt af fagráði. Hætti umsækjandi við að sækja námskeiðið eftir að umsókn hefur verið samþykkt, er innheimt 20.000 kr. umsýslugjald. Ef umsækjandi hættir við þátttöku eftir að námskeiðið er hafið, er námskeiðsgjald innheimt að fullu.

Styrkir

Stéttarfélög styrkja félagsmenn sína til að sækja nám og námskeið. Hér að neðan eru tengingar á heimasíður þar sem nálgast má styrki. Endurmenntun hvetur alla til að sækja sér þá styrki sem þeir eiga rétt á.  

Endurútgáfa skírteina - yfirlit yfir sótt námskeið

Ef viðskiptavinir óska eftir að fá skírteini endurútgefin eða yfirlit yfir sótt námskeið tekur Endurmenntun 3000 kr. í umsýslugjald. 

Vinsamlegast sendið beiðni í tölvupósti á netfangið endurmenntun@hi.is eða hringið í síma 525 4444. Úrvinnslan getur tekið nokkra daga.

Fyrir kennara
Námskeiðslýsing

Þegar námskeið er skipulagt og kynnt á vegum Endurmenntunar er mikilvægt að hafa titil og lýsingu í góðu samræmi við efnistök. Titill námskeiðs þarf að endurspegla vel viðfangsefnið og fanga athyglina. Námskeiðslýsingin þarf að vera vel læsileg og auðskiljanleg. Nánari upplýsingar hér að neðan:

Leiðbeiningar um gerð námskeiðslýsingar

Námsgögn

Vönduð námsgögn eru mikilvægur þáttur í vel heppnuðu námskeiði og því þarf að huga að því hvernig best sé að koma efni sínu á framfæri, í fyrirlestrum, glærum og prentuðu efni. Taka þarf tillit til magns, útlits, skýrleika á texta, uppsetningar o.fl. Til að tryggja vandaðan frágang á námsgögnun þurfa þau að berast fimm virkum dögum áður en námskeið hefst, helst í tölvutæku formi í netfangið: namsgogn@endurmenntun.is. Allt námsefni og upplýsingar um niðurröðun þess skulu berast í þetta pósthólf til umsjónarmanns námsgagna sem veitir einnig upplýsingar í síma 525 4444. 

Sjá nánari upplýsingar um námsgagnagerð í skjali hér að neðan. Þar má einnig finna sniðmát og gátlista vegna framkvæmdar námskeiða.

  
Leiðbeiningar um gerð námsgagna

Word snið - portrait

PowerPoint snið

Gátlisti vegna framkvæmdar námskeiðs

Hugmyndir að námskeiðum

Endurmenntun Háskóla Íslands er ár hvert með mikinn fjölda styttri námskeiða fyrir almenning og fagfólk. Í gegnum tíðina hafa fjölmargir sérfræðingar komið að kennslunni, sem er í takt við þá stefnu að endurskoða og þróa stöðugt námsframboð. Kennsla hjá Endurmenntun hefur verið eftirsótt og ýmsir sérfræðingar sem flagga kennslureynslu sinni hjá okkur á ferilskrá sínum.

Starfsfólk Endurmenntunar er stöðugt á höttunum eftir nýjum kennurum og hugmyndum að spennandi námskeiðum. Við hvetjum alla sem telja sig hafa góðar hugmyndir að hafa samband við Jóhönnu Rútsdóttur þróunarstjóra Endurmenntunar: hannaru@hi.is

Merki Endurmenntunar

Hér má finna merki Endurmenntunar sem var hannað af Aðalbjörgu Þórðardóttur, grafískum hönnuði árið 2001.

Tvær línur (Hlaða niður í jpg)

   Merki Endurmenntunar HÍ

Ein lína (Hlaða niður í jpg)

Merki Endurmenntun HÍ - ein lína

0