Upplýsingar vegna Covid-19 aðgengilegar hér

Staðnámskeið

Lyfjalaus meðferð við svefnleysi

Verð 21.900 kr.

Mán. 19. apríl kl. 9:00 - 13:00

4 klst.

Dr. Erla Björnsdóttir, sálfræðingur og sérfræðingur í hugrænni atferlismeðferð við svefnleysi

Endurmenntun, Dunhaga 7.

Námskeið

Á þessu námskeiði verður farið ítarlega yfir greiningu og meðhöndlun langvarandi svefnleysis með áherslu á lyfjalausa meðferð og aðferðir hugrænnar atferlismeðferðar.

Á námskeiðinu verður fjallað um eðli og uppbyggingu svefns og mikilvægi þess að sofa vel fyrir líkamlega og geðræna heilsu. Farið verður yfir hversu mikið við þurfum að sofa og þau áhrif sem of lítill eða of mikill svefn getur haft á heilsu og líðan.
Fjallað verður ítarlega um einkenni og algengi langvarandi svefnleysis ásamt því að fara yfir greiningu og meðferð sjúkdómsins.
Sérstök áhersla verður á lyfjalausa meðferð við svefnvanda og farið verður yfir helstu þætti sem felast í hugrænni atferlismeðferð við svefnleysi.

Á námskeiðinu er fjallað um

• Eðli og uppbyggingu svefns.
• Svefnleysi.
• Lyfjalausa meðferð.
• Hugræna atferlismeðferð.

Ávinningur þinn

• Fræðast um mikilvægi svefns fyrir andlega og líkamlega heilsu.
• Fá betri yfirsýn yfir greiningarferli og meðhöndlun svefnvandamála á Íslandi.
• Fræðast um einkenni, greiningu og meðhöndlun á langvarandi svefnleysi.
• Læra aðferðir hugrænnar atferlismeðferðar við svefnleysi.

Fyrir hverja

Námskeiðið er hannað sérstaklega fyrir fagfólk sem sinnir einstaklingum er glíma við svefnvandamál.

Aðrar upplýsingar

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
Afæra námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
Bkenna námskeiðið sem fjarnámskeið í gegnum ZOOM á áður auglýstum tíma.
Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Nánar um kennara

Erla Björnsdóttir er með B.A og kandídatspróf í sálfræði auk þess að hafa lokið doktorsprófi í líf-og læknavísindum. Í doktorsnámi sínu rannsakaði Erla svefnleysi, andlega líðan og lífsgæði hjá sjúklingum með kæfisvefn og hefur auk þess sérhæft sig í hugrænni atferlismeðferð við svefnleysi.
Erla starfar sem nýdoktor við Háskóla Íslands og rannsakar þar tengsl svefns við andlega og líkamlega heilsu. Hún hefur birt fjölda greina í erlendum ritrýndum tímaritum og gaf nýverið út bókina Svefn sem fjallar um mikilvægi svefns og algengustu vandamál sem tengjast svefni.

Lyfjalaus meðferð við svefnleysi

Verð
21900

<span style="font-size: 12px;" >&Aacute; &thorn;essu n&aacute;mskei&eth;i ver&eth;ur fari&eth; &iacute;tarlega yfir greiningu og me&eth;h&ouml;ndlun langvarandi svefnleysis me&eth; &aacute;herslu &aacute; lyfjalausa me&eth;fer&eth; og a&eth;fer&eth;ir hugr&aelig;nnar atferlisme&eth;fer&eth;ar.</span>