Upplýsingar vegna Covid-19 aðgengilegar hér

Hvalir í náttúru Íslands

Verð 15.900 kr.

Þri. 20. apríl kl. 19:00 - 22:00

3 klst.

Edda Elísabet Magnúsdóttir, sjávar- og atferlisvistfræðingur

Endurmenntun, Dunhaga 7. Námskeiðið fer einnig fram í rauntíma í fjarkennsluforritinu ZOOM.
Upplýsingar um þátttöku í ZOOM.

Námskeið

Hvalir eru gífurlega mikilvægur og stór þáttur í vistkerfum hafsins á norðurslóðum, sér í lagi við stendur Íslands. Fjallað verður um tegundafjölbreytileika hvala á heimsvísu og umhverfis Ísland, aðlögun þessa fjölbreytta hóps að lífinu í hafinu og hlutverk þeirra í vistkerfi sjávar.

Fjallað verður um uppruna hvala (Cetacea); allt frá tímum forfeðra þeirra sem gengu á fjórum fótum á landi og aðlöguðust smátt og smátt hinum gjöfulu sjávarbúsvæðum til þeirra hvala sem synda um heimsins höf í dag. Sérstaklega verður fjallað um hljóðsamskipti hvala sem er ein af lykilhæfni hvala til að lifa af í undirdjúpunum.

Einnig verður rætt um samband manns og hvala, þau áhrif sem hvalveiðar höfðu á samfélag manna en jafnframt á hvalastofna á heimsvísu. Í framhaldinu munum við ræða um stöðu hvala í dag, hvernig ólíkum fjölskyldum hvala vegnar í dag og þær helstu ógnir sem að þeim steðja. Sagðar verða sögur af hvölum úr sínu náttúrulega umhverfi sem rannsóknir hafa eða eru að leiða í ljós.
Hlýnun sjávar hefur nú þegar haft áhrif á útbreiðslu hvala og viðveru þeirra á búsvæðum sínum. Breytingar á farhegðun ýmissa hvalategunda gefa okkur mikilvægar vísbendingar um þær breytingar sem eiga sér nú stað í hafinu, s.s. hvað varðar hitastig sjávar og útbreiðslu fæðutegunda. Við munum ræða um þessar yfirstandandi breytingar og hvaða áhrif við getum búist við að þær hafi á ýmsar hvalategundir í nánustu framtíð.

Á námskeiðinu er fjallað um

• Uppruna og aðlögun hvala að sjávarbúsvæðum.
• Hlutverk hvala í vistkerfi sjávar.
• Hvalveiðar.
• Nýjustu rannsóknir á hvölum við Ísland.
• Áhrif hlýnunar sjávar á hvali á norðurslóðum.

Ávinningur þinn

• Aukinn skilningur á aðlögun og náttúrulegu vali sem leiðir til sérhæfðra tegunda
• Góð þekking á einstakri aðlögun landspendýrs að sjávarbúsvæðum og hvernig aðlögun að sjónum hefur leitt af sér merkilega methafa í dýraríkinu.
• Þekking á hlutverki hvala í vistkerfi sjávar og hvernig það skiptir okkur Íslendinga máli að hvalir séu hluti af vistkerfi hafsins umhverfis landið.
• Skilningur á því út á hvað hvalarannsóknir ganga og hvaða leiðir er hægt að fara til að rannsaka og auka þekkingu okkar á þessum merkilegu sjávarspendýrum.
• Innsýn inn í áhrif loftslagshlýnunar á lífríki hafsins.

Fyrir hverja

Námskeiðið er ætlað öllum sem hafa áhuga á dýrum, náttúrufræði og náttúruvernd. Einnig ljósmyndurum sem ferðast sérstaklega til að nálgast villt dýr. Jafnframt er námskeiðið tilvalið fyrir kennara og nemendur í náttúrufræðum, leikna og lærða.

Nánar um kennara

Edda Elísabet Magnúsdóttir er sjávar- og atferlisvistfræðingur að mennt með sérhæfingu (PhD) í atferli og vistfræði hvala. Edda stundar nú rannsóknir sem nýdoktor við HÍ á hnúfubökum við Ísland með það fyrir sjónum að efla þekkingu okkar á breyttri farhegðun þeirra hvala og möguleg viðbrögð þeirra við hlýnun sjávar. Edda hefur starfað sem aðjúnkt við Háskóla Íslands (2017-2019) og kennt fjölmörg fög við Líf- og umhverfisvísindadeild HÍ sem og líffræðigreinar við Faggreinadeild Menntavísindasviðs HÍ. Edda hefur starfað lengi við vísindamiðlun til barna og fullorðinna, bæði í gegnum Endurmenntun HÍ sem og í Háskóla Unga fólksins og Háskólalestinni. Edda hefur starfað sem náttúrufræðikennari í framhaldsskólum. Að loknu BSc prófi, 2005 - 2007 starfaði Edda sem leiðsögumaður í hvalaskoðun sem leiddi hana inn í heim hvalanna.

Hvalir í náttúru Íslands

Verð
15900

<span style="font-size: 12px;" >Hvalir eru g&iacute;furlega mikilv&aelig;gur og st&oacute;r &thorn;&aacute;ttur &iacute; vistkerfum hafsins &aacute; nor&eth;ursl&oacute;&eth;um, s&eacute;r &iacute; lagi vi&eth; stendur &Iacute;slands. Fjalla&eth; ver&eth;ur um tegundafj&ouml;lbreytileika hvala &aacute; heimsv&iacute;su og umhverfis &Iacute;sland, a&eth;l&ouml;gun &thorn;essa fj&ouml;lbreytta h&oacute;ps a&eth; l&iacute;finu &iacute; hafinu og hlutverk &thorn;eirra &iacute; vistkerfi sj&aacute;var.</span>