Upplýsingar vegna Covid-19 aðgengilegar hér

Staðnámskeið

Súrkálsveisla fyrir þarmaflóruna

- nærandi, fræðandi & bragðgott námskeið
Verð 20.800 kr.

Þri. 18. og fim. 20. maí kl. 19:00 - 22:00

6 klst.

Birna G. Ásbjörnsdóttir og Dagný Hermannsdóttir

Endurmenntun, Dunhaga 7.

Námskeið

Það er margt hægt að gera til að bæta heilsuna. Eins og flestir hafa heyrt er góð melting og heilbrigð þarmaflóra okkur afar mikilvæg. En hvað getum við gert sjálf til að bæta hana?
Á þessu námskeiði leiða saman hesta sína Birna G. Ásbjörnsdóttir, einn helsti sérfræðingur landsins í þarmaflórunni og súrkálsdrottningin Dagný Hermannsdóttir.

Áhersla er lögð á að skoða áhrif örveruflóru þarmanna á heilsu. Farið er yfir hvernig mataræði og mjólkursýrugerlar geta haft jákvæð áhrif á heilsu. Einnig skoðað hvað getur raskað örveruflóru meltingarvegar og hvaða er til ráða. Rýnt verður í nýjustu rannsóknir á mjólkursýrugerlum og súrkáli í tengslum við heilsu.
Praktískt, skemmtilegt, fræðilegt, og bragðgott námskeið.
Eitt af því sem eflir þarmaflóru er súrkál og annað gerjað grænmeti. Súrkál og mjólkursýrt grænmeti inniheldur t.d. trefjar og örverur, en hvoru tveggja er mikilvægt til að viðhalda heilbrigðum meltingarveg.
Námskeiðið er byggt þannig upp að Birna leiðir okkur í sannleikann um þarmaflóruna, mikilvægi hennar og kosti þess að borða holla fæðu eins og mjólkursýrt grænmeti. Farið er yfir hvaða gerla er að finna í súrkáli og hlutverk þeirra.
Súrkálsveisla þar sem er boðið upp á alls kyns súrkál og annað gerjað grænmeti, auk brauðmetis og annars meðlætis.
Að lokinni súrkálsveislu verður Dagný með erindi um súrkálsgerð og kennir þátttakendum að útbúa þrjár ólíkar gerðir af súrkáli og öðru gerjuðu grænmeti.
Í lokin verður happdrætti um súrkálskrukkurnar sem búnar verða til á námskeiðinu og þrír heppnir þátttakendur fara heim með krukku.
Innifalið í námskeiðinu er fróðleikur um þarmaflóruna og mjólkursýrugerla, bæklingur um súrkálsgerð og súrkálsveisla.

Á námskeiðinu er fjallað um

• Þarmaflóruna og meltingarveginn.
• Áhrif þarmaflóru á heilsu.
• Hvað mjólkursýrugerlar geta gert fyrir okkur.
• Hvað vísindin segja um súrkál og mjólkursýrugerla.
• Súrkálsgerð.
• Að njóta þess að borða súrkál og annað gerjað grænmeti.

Ávinningur þinn

• Lærir að gera þitt eigið súrkál.
• Færð að smakka fjöldann allan af ljúffengum gerðum af súrkáli.
• Fræðist um mikilvægi þarmaflórunnar.
• Öðlast innsýn í hlutverk mjólkursýrugerla í þessu samhengi.

Fyrir hverja

Námskeiðið hentar öllum sem hafa áhuga á að bæta heilsuna, kynnast nýjum víddum í matargerð.

Aðrar upplýsingar

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
Afæra námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
Bkenna námskeiðið sem fjarnámskeið í gegnum ZOOM á áður auglýstum tíma.
Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Nánar um kennara

Dagný Hermannsdóttir er grunnskólakennari að mennt og sérleg áhugakona um súrkál. Hún er höfundur bókarinnar Súrkál fyrir sælkera og framleiðir einnig súrkál undir sama nafni.
Birna G. Ásbjörnsdóttir er með meistaragráðu í næringarlæknisfræði frá University of Surrey. Hún hefur einnig lokið námi í gagnreyndum heilbrigðisvísindum frá Oxford University og stundar doktorsnám við Háskóla Íslands. Birna heldur reglulega námskeið fyrir fagfólk og almenning ásamt því að veita einstaklingsráðgjöf.

Súrkálsveisla fyrir þarmaflóruna

Verð
20800

<span class="fm-plan">&THORN;a&eth; er margt h&aelig;gt a&eth; gera til a&eth; b&aelig;ta heilsuna. Eins og flestir hafa heyrt er g&oacute;&eth; melting og heilbrig&eth; &thorn;armafl&oacute;ra okkur afar mikilv&aelig;g. En hva&eth; getum vi&eth; gert sj&aacute;lf til a&eth; b&aelig;ta hana?<br/>&Aacute; &thorn;essu n&aacute;mskei&eth;i lei&eth;a saman hesta s&iacute;na Birna G. &Aacute;sbj&ouml;rnsd&oacute;ttir, einn helsti s&eacute;rfr&aelig;&eth;ingur landsins &iacute; &thorn;armafl&oacute;runni og s&uacute;rk&aacute;lsdrottningin Dagn&yacute; Hermannsd&oacute;ttir.</span>