Upplýsingar vegna Covid-19 aðgengilegar hér

Fjarnámskeið

Jákvæð heilsa – að takast á við áskoranir daglegs lífs

SUMARÚRRÆÐI STJÓRNVALDA
Verð 3.000 kr.

Fullbókað - Biðlisti í síma 525 4444

Þri. 1. - 22. júní kl. 17:00 - 20:00 (4x)

12 klst.

Rannveig Eir Helgadóttir, geðhjúkrunarfræðingur og Rannveig Björk Gylfadóttir, sérfræðingur í krabbameinshjúkrun

Námskeiðið fer fram í rauntíma í fjarkennsluforritinu ZOOM.
Upplýsingar um þátttöku í ZOOM.

Námskeið

Námskeiðið kennir og kynnir á yfirgripsmikinn hátt gagnlegar leiðir til þess að varna gegn streitu og afleiðingum langvarandi streitueinkenna í áreiti og kröfum nútíma þjóðfélags. Það er gert m.a. með umfjöllun um valdeflingu, jafnvægi, vellíðan, heilsu og viðnámsþrótt. Hugmyndafræði um jákvæða heilsu og jákvæða sálfræði er höfð að leiðarljósi.

Á námskeiðinu er horft heildrænt á einstaklinginn og hvernig hann tekst á við daglegt líf. Stuðst er við nýlega skilgreiningu á heilsu sem kallast jákvæð heilsa (positive health), að heilsa sé getan til að aðlagast og stjórna ferðinni þegar við mætum líkamlegum, andlegum og félagslegum áskorunum í lífinu. Námskeiðið byggir á aðferðum hugrænnar atferlismeðferðar (HAM) og jákvæðrar sálfræði (positive psychology); hugrænni vinnu með eigin hugsanir og líðan, styrkleikaþjálfun, núvitund og samkennd og góðvild með sjálfum sér og öðrum. Áhersla verður á fræðslu um streitu og streituviðbrögð. Námskeiðið byggir á reynslunámi (experiental learning) í leiddum og skriflegum æfingum og í virkum samræðum þátttakenda.

Þátttakendur fylla út stutt próf í byrjun og við lok námskeiðs til að meta eigin heilsu og vellíðan.

Þátttakendur eru hvattir til þess að halda dagbók meðan á námskeiðinu stendur og gera æfingar og verkefni á milli tímanna.
Markmið námskeiðsins er að þátttakendur kynnist fjölbreyttum leiðum til að takast á við streitu og auka þannig eigin valdeflingu (empowerment), viðnámsþrótt (resilience), jákvæða heilsu og vellíðan í daglegu lífi.

Á námskeiðinu er fjallað um

Streitu og streituviðbrögð.
Fjölbreyttar og fyrirbyggjandi leiðir jákvæðrar heilsu, hugrænnar atferlismeðferðar og jákvæðrar sálfræði til þess að takast á við streitu.
Heilsuhjólið þitt út frá: daglegri virkni, líkamlegri virkni, félagslegri þátttöku, andlegri vellíðan, lífsgæðum og tilgangi.
Mikilvægi jafnvægis á milli virkni, hvíldar og svefns og góðrar næringar.
Hugrænar leiðir til að skoða sjálfvirkar/óboðnar hugsanir sem valda vanlíðan.
Styrkleika, núvitund og samkennd með sjálfum sér og öðrum.
Hvernig hægt er að auka viðnámsþrótt með því að auka eigin stjórn og valdeflingu.

Ávinningur þinn

Aukin jákvæð heilsa og jafnvægi í daglegu lífi.
Aukin valdefling, stjórn og viðnámsþróttur fyrir streitu og áskorunum í lífinu.
Kynnist eigin styrkleikum, þakklæti og tekur betur eftir góðum hlutum í kringum þig.
Lærir hugrænar leiðir til að takast á við sjálfvirkar/óboðnar hugsanir.
Kynnist núvitund, vakandi athygli í daglegu lífi.
Lærir um mikilvægi samkenndar með sér sjálfum og öðrum.

Fyrir hverja

Námskeiðið er fyrir alla sem vilja eflast og ná betri stjórn með auknu jafnvægi, betri heilsu og aukinni vellíðan í daglegu lífi og þannig auka viðnám sitt og minnka streitu.

Aðrar upplýsingar

SUMARÚRRÆÐI STJÓRNVALDA.

Nánar um kennara

Rannveig Eir Helgadóttir, hjúkrunarfræðingur með diplóma í geðhjúkrun á meistarastigi frá HÍ, diplóma í jákvæðri sálfræði á meistarastigi frá Endurmenntun HÍ og næringarþerapisti DET frá CET í Kaupmannahöfn. Rannveig Eir hefur víðtæka starfsreynslu við hjúkrun og önnur störf, hérlendis og erlendis. Hún hefur meðal annarra verkefna unnið við heilsueflingu og heilsuvernd; verið með stuðningsviðtöl, heilsufarsmælingar, slökun og fræðslu fyrir skjólstæðinga.

Rannveig Björk Gylfadóttir, sérfræðingur í krabbameinshjúkrun, með diplóma í hugrænni atferlisfræði (HAF) og dáleiðslu frá Endurmenntun HÍ. Einnig er hún lærður núvitundarkennari frá Háskólanum í Aberdeen og samtökunum Mindfulness association í Skotlandi. Rannveig er í sérfræðistarfi á Landspítala. Hún hefur unnið að heilsueflingu og endurhæfingu, verið með stuðningsviðtöl, slökunarmeðferð, þróað fræðsluefni og jafningjanámskeið og verið með núvitundarnámskeið fyrir skjólstæðinga.

Nöfnurnar eru góðar vinkonur sem hafa starfað í 24 ár að ólíkum störfum innan (og utan) hjúkrunar en eiga það sameiginlegt að hafa í gegnum tíðina haft brennandi áhuga á alls konar styrkjandi heildrænum leiðum til þess að efla sig sjálfar sem þær hafa svo viljað deila með öðrum. Þær sameina því krafta sína hér á þessu námskeiði.

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Jákvæð heilsa – að takast á við áskoranir daglegs lífs

Verð
3000

<span class="fm-plan">N&aacute;mskei&eth;i&eth; kennir og kynnir &aacute; yfirgripsmikinn h&aacute;tt gagnlegar lei&eth;ir til &thorn;ess a&eth; varna gegn streitu og aflei&eth;ingum langvarandi streitueinkenna &iacute; &aacute;reiti og kr&ouml;fum n&uacute;t&iacute;ma &thorn;j&oacute;&eth;f&eacute;lags. &THORN;a&eth; er gert m.a. me&eth; umfj&ouml;llun um valdeflingu, jafnv&aelig;gi, vell&iacute;&eth;an, heilsu og vi&eth;n&aacute;ms&thorn;r&oacute;tt. Hugmyndafr&aelig;&eth;i um j&aacute;kv&aelig;&eth;a heilsu og j&aacute;kv&aelig;&eth;a s&aacute;lfr&aelig;&eth;i er h&ouml;f&eth; a&eth; lei&eth;arlj&oacute;si.</span>