Upplýsingar vegna Covid-19 aðgengilegar hér

Staðnámskeið

Jákvæð sálfræði og styrkleikaþjálfun (Coaching)

- nýttu styrkleika þína á nýjan hátt
Verð 49.400 kr.

Mið. 5. - 26. maí kl. 19:30 - 22:00 (4x)

10 klst.

Anna Jóna Guðmundsdóttir, kennari og ráðgjafi og gestakennari á námskeiðinu er Kristín Linda Jónsdóttir, sálfræðingur, kennari og ritstjóri

Endurmenntun, Dunhaga 7.

Námskeið

Á námskeiðinu verður farið yfir rannsóknir á styrkleikum, bjartsýni og hamingju og fjallað um gildi jákvæðni fyrir sköpun og árangur. Einnig verður farið í kosti styrkleikaþjálfunar og hvernig hægt er að nýta sér verkfæri úr styrkleikaþjálfun í daglegu lífi.

Þátttakendur læra leiðir til að njóta lífsins betur og vera virkari. Farið er í léttar og skemmtilegar æfingar sem eru til þess fallnar að nýta eigin styrkleika betur, bæta samskipti og ná meiri árangri.

Jákvæð sálfræði fæst við rannsóknir á því sem fólk gerir rétt frekar en því sem fólk gerir rangt.

Jákvæð sálfræði hefur þrjár grunnstoðir: jákvæðar tilfinningar, styrkleika og jákvæð samskipti. Dæmi um styrkleika einstaklinga eru hugrekki, samúð, sköpunarkrafur, þrautseigja og heilindi.

Á námskeiðinu er fjallað um

Jákvæð samskipti.
Samspil jákvæðni og árangurs.
Leiðir til að auka jákvæðni í eigin lífi og annarra.
Styrkleika og styrkleikaþjálfun.

Ávinningur þinn

Meiri ánægja og gleði í daglegu lífi.
Aukin sjálfsþekking og bætt samskipti.
Færni í að greina og nýta styrkleika.
Meiri árangur.

Fyrir hverja

Námskeiðið er fyrir alla sem hafa áhuga á að draga fram styrkleika og öðlast innihaldsríkara líf, auka gæði í samskiptum og fá innsýn í styrkleikaþjálfun.

Aðrar upplýsingar

Þátttakendur taka Realise2 styrkleikapróf og fá styrkleikagreiningu.
Prófið er innifalið í námskeiðsgjaldi.

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
A – færa námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
B kenna námskeiðið sem fjarnámskeið í gegnum ZOOM á áður auglýstum tíma.
Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Nánar um kennara

Anna Jóna Guðmundsdóttir er framkvæmdastjóri Auðnu ráðgjafar og starfar við ráðgjöf og þjálfun. Anna Jóna er með BA-próf í sálfræði frá HÍ og kennsluréttindanám frá HA. Anna Jóna er viðurkenndur styrkleikaþjálfi frá Center of Applied Positive Psychology í Englandi.

Kristín Linda Jónsdóttir er sálfræðingur, kennari, fyrirlesari og ritstjóri tímaritsins Húsfreyjunnar. Kristín Linda rekur eigin fyrirtæki Huglind ehf, hún nýtir jákvæða sálfræði í meðferð og ráðgjöf auk hugrænnar atferlismeðferðar og fleiri sálfræðimeðferða. Hún lauk BA prófi í sálfræði frá HA, cand. psych. gráðu sem klínískur sálfræðingur frá HÍ og kennsluréttindanámi frá HA.

Jákvæð sálfræði og styrkleikaþjálfun (Coaching)

Verð
49400

<span class="fm-plan">&Aacute; n&aacute;mskei&eth;inu ver&eth;ur fari&eth; yfir ranns&oacute;knir &aacute; styrkleikum, bjarts&yacute;ni og hamingju og fjalla&eth; um gildi j&aacute;kv&aelig;&eth;ni fyrir sk&ouml;pun og &aacute;rangur. Einnig ver&eth;ur fari&eth; &iacute; kosti styrkleika&thorn;j&aacute;lfunar og hvernig h&aelig;gt er a&eth; n&yacute;ta s&eacute;r verkf&aelig;ri &uacute;r styrkleika&thorn;j&aacute;lfun &iacute; daglegu l&iacute;fi.</span>