UPPLÝSINGAR UM ÁHRIF COVID-19 Á STARFSEMI EHÍ

Textílar hafa fylgt mannkyninu frá upphafi. Á námskeiðinu verður farið yfir þróun textílhandverks og sögu á heimsvísu. Þá verður sjónum beint að íslenskum textíl í gegnum aldirnar, áhrifavöldum og stefnum.

Á námskeiðinu verður gefin innsýn í sögulega þróun textíla. Byrjað verður á elstu varðveittu textílum sem fundist hafa. Kynntir verða textílar frá ýmsum heimsálfum, þjóðum, þjóðarbrotum og ættbálkum, þeir skoðaðir og greindir út frá efnum og aðferðum. Áhersla er lögð á sögulegt samhengi verslunar og flutninga á láði og legi og tengsl við aðra þætti mannkynssögunnar.

Á námskeiðinu er fjallað um:

• Textíl, hvað er hann og hvaðan kemur hann.
• Forna jarðfundna textíla.
• Íslenska textílsögu og tengsl við söguna.
• Áhrifavalda og samhengi hlutanna, verslun og viðskipti.
• Miðaldir og gildin.
• Textíl í Evrópu, Afríku og Ameríku.

Fyrir hverja:

Námskeiðið er ætlað öllum sem áhuga hafa á sögu textíls og hvernig hún tengist svæðum, sögu og tímabilum.

Kennsla:

Íris Ólöf Sigurjónsdóttir er stundakennari í Myndlistaskóla Reykjavíkur, textílkona og textílforvörður. Hún er fyrrum safnstjóri byggðasafnsins Hvols á Dalvík.

Aðrar upplýsingar:

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
A – færa námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
B – kenna námskeiðið sem fjarnámskeið í gegnum ZOOM á áður auglýstum tíma.

Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.