Áætlanagerð fyrir lítil og meðalstór fyrirtæki

Verð snemmskráning 44.400 kr Almennt verð 48.900 kr
Prenta
Snemmskráning til og með 14. apríl
Þri. 24. og fim. 26. apríl kl. 08:30 - 12:30
Haukur Skúlason, MBA og fjármálastjóri Móbergs
Endurmenntun, Dunhaga 7.

Á þessu námskeiði er farið yfir gerð rekstraráætlunar fyrir lítil og meðalstór fyrirtæki og hvað hafa ber í huga við slíkt. Þátttakendur gera rekstraráætlun í Excel og læra þannig hvernig slík áætlun er byggð upp og hvernig nýta má hana til að setja upp ólíkar sviðsmyndir í rekstrinum.

Á námskeiðinu verður farið yfir mikilvægi þess að gera rekstraráætlun innan fyrirtækja, hvað einkennir slíkar áætlanir og hvernig slík áætlun er gerð. Farið verður ítarlega í dæmi um uppbyggingu slíkrar áætlunar og mikilvægi hvers liðar í uppbyggingu hennar, auk þess sem farið verður í samspil mismunandi þátta innan hennar. Í lok námskeiðisins eiga þátttakendur að geta sett upp sína eigin rekstraráætlun og notað hana til að fá betri yfirsýn yfir rekstur sinn.

Námskeiðið nýtist öllum þeim sem bera ábyrgð á rekstri fyrirtækis eða deildar, og vilja bæta fjárhagslega yfirsýn sína. Oft eru vandamál í rekstri fyrirtækja sjáanleg með góðum fyrirvara ef vel er að gáð og réttu tækin notuð, og því getur þekking á rekstraráætlun sparað háar fjárhæðir og aukið arðsemi umtalsvert ef vel er að henni staðið.

Á námskeiðinu er fjallað um:

• Verklega uppbyggingu rekstraráætlunar.
• Hvað ber að varast við gerð áætlunarinnar.
• Hvernig áætlunin nýtist eigendum og stjórnendum.

Ávinningur þinn:

• Betri innsýn í reksturinn til framtíðar.
• Auknar líkur á bættri arðsemi og betri rekstri.

Fyrir hverja:

Námskeiðið er ætlað þeim sem eru byrjendur í gerð áætlana og þá sérstaklega fyrir eigendur lítilla og meðalstórra fyrirtækja og stjórnendur þeirra sem vilja koma áætlanagerð í fastar skorður og geta byggt áætlanir á traustum stoðum. Efni námskeiðsins hentar einnig þeim sem annast rekstraráætlanir hjá hinu opinbera.

Kennsla:

Haukur Skúlason er með B.A., B.Sc. og MBA gráður. Hann hefur starfað sem
verkefnastjóri framtaksfjárfestinga hjá Íslandssjóðum, dótturfyrirtæki Íslandsbanka og sérhæft sig í fjárfestingum í fasteignafélögum og frumkvöðlafyrirtækjum. Í dag er hann fjármálastjóri Móbergs, móðurfélags m.a. Netgíró og bland.is. Haukur hefur kennt fjöldann allan af námskeiðum innan Íslandsbanka sem utan.

Aðrar upplýsingar:

Þátttakendur þurfa að vera með tölvu og Excel á námskeiðinu til að geta tekið virkan þátt í því.

Einingar FLE: 8 Reikningsskil og fjármál

Mat þátttakenda

á mælikvarðanum 1 til 5
(5,0)

Umsagnir

Námskeiðið var frábært, gögnin góð og kennarinn markviss. Innrammaði algjörlega það sem mig vantaði upp á þekkingu mína í áætlanagerð.

Mjög gott í alla staði.
Skipulag gott og kennari áhugasamur.
Margt fróðlegt. Gott að læra um fleiri aðgerðir í Excel.
0