Loftslagsbreytingar í fortíð og framtíð - STAÐ- OG FJARNÁMSKEIÐ

Verð snemmskráning 14.500 kr Almennt verð 15.900 kr

Loftslagsbreytingar í fortíð og framtíð - STAÐ- OG FJARNÁMSKEIÐ

Verð snemmskráning 14.500 kr Almennt verð 15.900 kr
Prenta
Snemmskráning til og með 18. október
Mán. 28. okt. kl. 19:15 - 22:15
Halldór Björnsson, doktor í veður- og haffræði og formaður vísindanefndar um loftslagsbreytingar
Endurmenntun, Dunhaga 7.

Hefur loftslag ekki alltaf verið að breytast? Skilningur á loftslagi og loftslagsbreytingum byggir á eðlisfræði sem ekki er umdeild. Af hverju er því verið að deila um loftslagsbreytingar? Margt er vitað um breytingar fyrr á tíð og líklegar breytingar í framtíðinni. Farið verður yfir loftslagsbreytingar frá öndverðu og sérstaklega breytingar á Íslandi frá landnámi og líklegar breytingar á komandi öld. Námskeiðið mun m.a. byggja á nýútkominni skýrslu vísindanefndar um loftslagsbreytingar.

Á þessu námskeiði verður farið yfir þau fræði sem liggja að baki vísindalegum skilningi á loftslagi og breytingum þess. Skoðuð verða dæmi um loftslagsbreytingar á forsögulegum tíma fram til okkar daga. Að auki verður skoðað hvernig líklegt er að loftslag breytist í framtíðinni ef óheft losun gróðurhúsalofttegunda heldur áfram. Einnig verður skoðað hvernig sum svæði á jörðinni skera sig úr og hvernig loftslagssagan er breytileg stað frá stað. Meðal annars verður skoðuð loftslagssaga Íslands, hvaða breytingar eru líklegar á veðurfari á Íslandi og hvaða áhrif það muni hafa á náttúru landsins. Loks verður rætt um óvissu í spám, deilur um niðurstöður og tilraunir til þess að ná alþjóðlegri samstöðu um aðgerðir.

Á námskeiðinu er fjallað um:

• Loftslagsvísindi og fræðilegan grundvöll þess að hægt er að spá hlýnun á næstu áratugum.
• Sögu breytinga á loftslagi til okkar daga.
• Loftslagssögu Íslands.
• Líklegar breytingar á loftslagi og áhrif þess á Íslandi.
• Kyoto, Parísarsamkomulagið og tilraunir til þess að stemma stigu við loftslagsbreytingum.
• Um hvað er deilt þegar kemur að loftslagsbreytingum.

Ávinningur þinn:

• Bættur skilningur á því hvað er vitað og hvað ekki er vitað um loftslagsbreytingar.
• Skilningur á því hvert stefnir ef losun gróðurhúsalofttegunda verður í samræmi við líklegar sviðsmyndir af framtíðinni.
• Þekking á loftslagssögu Íslands og líklegum breytingum á veðurfari hér á landi.
• Þekking á líklegum áhrifum loftslagsbreytinga á Íslandi.

Fyrir hverja:

Alla sem hafa áhuga á breytileika náttúrunnar, veðurfari og loftslagi Íslands og vilja geta miðlað upplýsingum um áhrif loftslagsbreytinga á Íslandi, bæði á sögulegum tíma, í samtímanum og í náinni framtíð.
Einnig þá sem hafa áhuga á því á hvaða grunni þekking um loftslagsbreytingar hvílir og hver séu helstu deilumál þegar kemur að framtíðarþróun loftslags. Loks er þetta námskeið einnig fyrir þá sem vilja vita
hvað gert hafi verið til þess að draga úr losun gróðurhúsalofttegunda.

Kennsla:

Halldór Björnsson lauk doktorsprófi frá veður- og haffræðideild McGill háskóla í Montreal, Kanada árið 1997. Hann hefur starfað við kennslu og/eða rannsóknir við McGill, Princeton og Háskóla Íslands. Frá því upp úr aldamótum hefur hann starfað á Veðurstofu Íslands og leiðir nú rannsóknir á veðri og loftslagi á stofnuninni. Hann er höfundur bókarinnar Gróðurhúsaáhrif og loftslagsbreytingar sem Hið Íslenska Bókmenntafélag gaf út árið 2008. Halldór er formaður vísindanefndar um loftslagsbreytingar sem gaf nýlega út skýrslu um hnattrænar loftslagsbreytingar og áhrif þeirra á Íslandi, sjá hér.

Aðrar upplýsingar:

Námskeiðið tilheyrir röð sjálfstæðra námskeiða sem fjalla um loftslagsbreytingar, áhrif þeirra og lausnir sem verða á dagskrá ENDURMENNTUNAR á næstu misserum. Ef öll neðangreind námskeið eru sótt á haustmisseri er veittur 20% afsláttur en hann er reiknaður af verði síðasta námskeiðsins:
Jökla- og loftslagsbreytingar á Íslandi
Loftslagsbreytingar í fortíð og framtíð
Frá loftslagsvísindum til aðgerða - máttur einstaklinganna

Fyrir þátttakendur í fjarfundi:
Vinsamlegast merkið í athugasemdareit við skráningu að óskað er eftir því að sitja námskeiðið í fjarfundi.
Námskeiðið fer fram í gegnum fjarfundakerfið ZOOM. Þátttakendur þurfa að vera með nettengda tölvu, vefmyndavél, hljóðnema og góða ADSL eða ljósnet/leiðara tengingu. Mælt er með að þátttakendur noti Chrome eða Firefox vafra. Slóð námskeiðsins verður sent á það netfang sem þátttakandi hefur gefið upp við skráningu.

Mat þátttakenda

á mælikvarðanum 1 til 5
(4,81)

Umsagnir

Mikil þekking og frábær fræðilegur grundvöllur.
Mjög áhugavert og fróðlegt.
0