5-4-1: Leikskipulag fyrir árangursríka fundi - FJARNÁMSKEIÐ

Verð snemmskráning 25.900 kr Almennt verð 28.500 kr

5-4-1: Leikskipulag fyrir árangursríka fundi - FJARNÁMSKEIÐ

Verð snemmskráning 25.900 kr Almennt verð 28.500 kr
Prenta
Snemmskráning til og með 15. febrúar
Fim. 25. feb. kl. 9:00 - 12:00
Þór Hauksson, MPM (Master of Project Management)
Endurmenntun, Dunhaga 7.

UPPLÝSINGAR UM ÁHRIF COVID-19 Á STARFSEMI EHÍ

Stutt og hagnýtt námskeið til að hjálpa þér við að halda réttu fundina á árangursríkari hátt. Fundir eru algengasta og jafnframt misnotaðasta fyrirkomulag skipulegra samskipta – en með því að beita réttu leikskipulagi og skynsamlegri taktík má gera þá markvissari og árangursríkari.

Markmið námskeiðsins er að benda á hagnýtar leiðir til þess að nýta fundi með skynsamlegum hætti og stuðla þannig að betri fundarmenningu.

Fjallað verður um 10 lykilþætti sem skipta þar mestu máli og eru þeir settir fram í þremur hlutum: Rétta umgjörðin (5 þættir), ábyrg fundarstjórn (4 þættir) og skýr niðurstaða (1 þáttur).

Á námskeiðinu er fjallað um:

• Fundi og fundar(ó)menningu: hvers vegna eru svo margir fundir slæmir?
• Erkitýpur slæmrar fundarmenningar.
• Hvaða ábyrgð við berum á fundamenningu í eigin starfsumhverfi.
• Hvaða þættir skipta mestu máli fyrir góða, skilvirka fundi.
• Leikskipulagið 5-4-1: Tíu lykilþætti fyrir umgjörð funda, innihald og eftirfylgni.
• Hagnýt ráð til að ákvarða rétta umgjörð funda.
• Hagnýt ráð til að tryggja ábyrga fundarstjórn og gagnlegt innihald funda.
• Hagnýt ráð til að skrá niðurstöður og tryggja eftirfylgni funda.

Ávinningur þinn:

• Heildarsýn á þá þætti sem skipta mestu máli við að nýta fundi með skynsamlegum hætti og stuðla að betri fundarmenningu.
• Hagnýtt „leikkerfi“ til þess að halda réttu fundina á viðeigandi hátt.
• Hagnýtar aðferðir til þess að tryggja skynsamlegan undirbúning, skipulag og umgjörð funda.
• Hagnýtar aðferðir til þess að bæta samskipti og samvinnu á fundum.

Fyrir hverja:

Stjórnendur, leiðtoga, verkefnastjóra og alla þá sem stýra fundum í starfi, vilja nýta fundi betur og stuðla um leið að betri fundarmenningu.

Kennsla:

Þór Hauksson er tölvunarfræðingur frá HÍ og með MPM (Master of Project Management) próf frá HR. Þór hefur starfað sem stjórnandi og verkefnastjóri í yfir 20 ár í ólíkum geirum eins og þeim opinbera, í nýsköpun, í upplýsinga- og fjarskiptatækni, í fjármálageiranum og nú síðast í orkugeiranum. Hann hefur sinnt kennslu hjá ENDURMENNTUN, í MPM náminu og víðar síðustu 5 ár. Þór starfar sem verkefnastjóri hjá Landsvirkjun og er formaður Verkefnastjórnunarfélags Íslands.

Aðrar upplýsingar:

Gert er ráð fyrir að skráðir þátttakendur fái senda netkönnun fyrir námskeiðið þar sem spurt er um viðhorf þeirra til þeirra lykilþátta funda og fundarmenningar sem fjallað verður um á námskeiðinu. Niðurstaða könnunar verður síðan fléttuð inn í umfjöllun um efnisþætti námskeiðsins. Gert er ráð fyrir virkri þátttöku í umræðum, s.s. að deila reynslu og læra af öðrum.
Þátttakendur fá afrit af glærum sem notaðar eru á námskeiðinu, ásamt bókalista og ábendingum um ítarefni.

Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Mat þátttakenda

á mælikvarðanum 1 til 5
(4,61)

Umsagnir

Frábært tól, hlakka til að nýta á vinnustaðnum mínum.
Mjög gott að fá verkfæri til að gera fundi árangursríkari. Allt skipulagið frá fundarboðun að niðurstöðu.
Vel skipulagt - góð yfirferð - náði að snerta á öllu og án þess að vera á hlaupum. Afar gagnlegt og rammaði vel inn efnið.
Ég lærði mjög mikið. Fagleg ráð. Vel gert á stuttum tíma.
0