Gagnrýnin hugsun við ákvarðanatöku

Verð snemmskráning 32.900 kr Almennt verð 36.200 kr

Gagnrýnin hugsun við ákvarðanatöku

Verð snemmskráning 32.900 kr Almennt verð 36.200 kr
Prenta
Snemmskráning til og með 27. mars
Þri. 6. apríl kl. 8:30 - 12:30
Henry Alexander Henrysson, Phd í heimspeki
Endurmenntun, Dunhaga 7.

UPPLÝSINGAR UM ÁHRIF COVID-19 Á STARFSEMI EHÍ

Hvers vegna tökum við svo oft ákvarðanir sem við sjáum eftir? Hvernig tengjast skoðanir okkar ákvörðunum og athöfnum? Við hvaða aðstæður er raunhæft að við getum tekið röklegar ákvarðanir?

Í þessu námskeiði verður farið yfir einstaka þætti í ákvarðanaferlinu og hvernig við getum varast að fella hleypidóma í einstökum málum. Athyglinni verður sérstaklega beint að því hvaða spurninga við eigum að spyrja okkur til að hlýða rökum og fara eftir réttum upplýsingum.

Á námskeiðinu er fjallað um:

• Hvað þarf til svo ákvarðanir geti talist vel ígrundaðar.
• Flókið samband þeirra þátta sem stjórna ákvörðunum okkar.
• Einkenni góðra og traustra samskipta.
• Algengar rök- og hugsunarvillur.
• Hvað einkennir gagnrýnar manneskjur.

Ávinningur þinn:

• Þekking á helstu rökvillum.
• Skilningur á samspili innsæis, reynslu og ígrundunar.
• Lærir að forðast algenga hleypidóma.
• Kynnist leiðum til að gera hugsun þína agaðri og rökvissari.

Fyrir hverja:

Stjórnendur í fyrirtækjum, stofnunum og félögum og áhugafólk um efnið.

Kennsla:

Dr. Henry Alexander Henrysson starfar sem ráðgjafi og fyrirlesari. Hann hefur skrifað greinar í blöð og tímarit um siðfræði, gagnrýna hugsun og ákvarðanatöku, meðal annars bók ásamt Páli Skúlasyni sem nefnist Hugleiðingar um gagnrýna hugsun. Með helstu rannsóknarefna Henrys er hvernig fagleg hæfni og gagnrýnin ákvarðanataka eflir traust á stofnunum samfélagsins. Nánari upplýsingar um verk og störf Henrys.

Aðrar upplýsingar:

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
A – færa námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
B kenna námskeiðið sem fjarnámskeið í gegnum ZOOM á áður auglýstum tíma.

Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Mat þátttakenda

á mælikvarðanum 1 til 5
(4,57)

Umsagnir

Afslappað andrúmsloft og svigrúm fyrir spurningar og umræður.
Mjög góð nálgun á efninu og opnar huga manns.
Skemmtilegt og áhugavert.
Vel fram sett.
Áhugavert og þarft umræðuefni.
Opin og lífleg umræða sem allir tóku þátt í.
Opnar hugann, var skýrt, hnitmiðað og skemmtilegt.
0