Hreindýr í náttúru Íslands

Verð snemmskráning 14.500 kr Almennt verð 15.900 kr

Hreindýr í náttúru Íslands

Verð snemmskráning 14.500 kr Almennt verð 15.900 kr
Prenta
Nýtt
Snemmskráning til og með 24. apríl
Mán. 4. maí kl.19:00 - 22:00
Skarphéðinn G. Þórisson, líffræðingur hjá Náttúrustofu Austurlands
Endurmenntun, Dunhaga 7.

Námskeiðið fjallar um hreindýrið, tegundina sem hefur lifað á norðurslóð í sambýli við Íslendinga í tvær aldir og sérstöðu þess og er ríkulega skreytt myndum.

Almennt verður fjallað um tegundina, innflutning og sögu hreindýra ásamt vistfræði og veiðistjórnun. Kynnt verða tæki og aðferðir sem nýtast við vöktun hreindýratofnsins svo og horn og kjálkar sem nýtast við aldurs- og kyngreiningu hreindýra.

Á námskeiðinu er fjallað um:

• Tegundina hreindýr (Rangifer tarandus)
• Innflutning og sögu hreindýra 1771-1939
• Söguna frá 1940-2019 og veiðistjórnun
• Vistfræði hreindýrastofnsins
• Vöktun og rannsóknir

Ávinningur þinn:

• Þú kynnist tegund sem lifir á norðurslóð og er aðlöguð fjölbreyttum aðstæðum
• Þú kynnist sambýli Íslendinga og hreindýra í rúmar tvær aldir
• Þú kynnist sérstöðu íslenska hreindýrsins og lifnaðarháttum þess
• Þú kynnist hvernig nýtingu stofnsins er háttað og hvað liggur henni til grundvallar

Fyrir hverja:

Námskeiðið er ætlað öllum sem hafa áhuga á dýrum, náttúrufræði og náttúruvernd. Einnig veiðmönnum og ljósmyndurum sem ferðast sérstaklega til að nálgast villt dýr. Jafnframt er námskeiðið tilvalið fyrir kennara og nemendur í náttúrufræðum, leikna og lærða. Ömmur og afar sem láta sig náttúru, umhverfi og dýralíf varða eru velkomin á námskeiðið.

Kennsla:

Skarphéðinn er MSc líffræðingur og hreindýrasérfræðingur hjá Náttúrustofu Austurlands frá 2000, Veiðistjóra 1990-1999 og Náttúrufræðistofnunar 1979-1983. Kennari við Menntaskólann á Egilsstöðum 1983-1999.

Aðrar upplýsingar:

Helstu heimildir sem áhugavert væri að glugga í en ekki nauðsynlegt:
Á hreindýraslóðum, Helgi Valtýsson 1945.
Íslensku spendýrin, ritstjóri Páll Hersteinsson, Vaka/Helgafell 2004.
Vilt íslensk spendýr, HÍN og Landvernd 1993
Öræfahjörðin. Unnur Birna Karlsdóttir, Sögufélagið 2019.
Vöktun Náttúrustofu Austurlands 2018 og
tillaga um veiðikvóta og ágangssvæði 2019 (tengill)
.

Ef öll fjögur námskeiðin um spendýr í náttúru Íslands eru sótt á misserinu er veittur 20% afsláttur en hann er reiknaður af verði síðasta námskeiðsins.

Refir í náttúru Íslands - Mán. 2. mars kl. 19:00 - 22:00
Selir í náttúru Íslands - Mán. 9. mars kl. 19:00 - 22:00
Hvalir í náttúru Íslands - Mán. 27. apríl kl. 19:00 - 22:00
Hreindýr í náttúru Íslands - Þetta námskeið

Til að virkja afsláttinn þá þarftu að taka það fram í athugasemdum við skráningu að þú sækir öll námskeiðin.

0