París - líf og lystisemdir

Verð snemmskráning 17.500 kr Almennt verð 19.300 kr
Prenta
Snemmskráning til og með 30. mars
Mán. 9. og 16. apríl kl. 19:30 - 21:30
Gérard Lemarquis, stundakennari við Hugvísindasvið HÍ
Endurmenntun, Dunhaga 7.

Farið verður í sögu Parísar og skoðaðar myndir og kort sem koma þátttakendum að góðum notum í eiginlegri Parísarferð. Þátttakendur munu fá glögga mynd af ólíkum hverfum borgarinnar og upplifa líf og lystisemdir hennar gegnum líflega frásögn Gérard Lemarquis.

Námskeiðið skiptist í tvo hluta. Í fyrri hluta verður farið í sögu Parísar og áhersla lögð á hverfi sem voru miðpunktur borgarinnar á mismunandi tímum. Latínuhverfið, Le Marais (Mýrina), Le Louvre, Le Palais Royal, Les grands boulevards (frá République til Óperunnar), Montmartre, Montparnasse, Saint-Gérmain des Prés, Les Halles og La Bastille. Velt verður upp spurningunum: Af hverju breytist tískan? Hvernig og af hverju verður nýtt hverfi miðpunktur lista og bóhemlífs?

Í seinni hluta verða farnir nokkrir leiðangrar um París. Sýndarveruleiki verður settur á svið með aðstoð korta og annarra gagna. Staldrað verður við þekkta og lítt þekkta staði. Hugmyndin er að síðar geti þátttakendur notað kort og önnur gögn námskeiðsins við raunverulegar aðstæður í eiginlegri Parísarferð.

Mat þátttakenda

á mælikvarðanum 1 til 5
(4,63)

Umsagnir

Fræðandi námskeið, skemmtilegt og mikill húmor.
Kennsla frábær og námskeiðið fjölbreytt og gott.
Framúrskarandi kennari, líflegt og skemmtilegt námskeið.
Kennarinn var skemmtilegur og sagði manni ýmislegt sem aðeins heimamenn vita aðeins um París
0