Starf sérkennslustjóra í leikskólum

Verð 37.300 kr
Prenta
Mán. 31. okt. kl. 9:00 - 12:00 og 13:00 - 16:00
Fjóla Þorvaldsdóttir, sérkennari og Hanna Rún Eiríksdóttir, kennari
Endurmenntun, Dunhaga 7.

Í samstarfi við Félag leikskólakennara

Á námskeiðinu verður farið yfir helstu viðfangsefni sérkennslustjóra í dagsins önn. Námskeiðið á að vera praktískt og til þess gert að sérkennslustjórar geti einnig miðlað af eigin reynslu og þekkingu. Þannig er námskeiðið jafnt ætlað þeim sem hafa starfað lengi sem sérkennslustjórar og þeim sem hafið nýhafið störf - og öllum þeim sem eru mitt á milli.

Á námskeiðinu verður fjallað um starf sérkennslustjóra og rætt út frá helstu viðfangsefnum hvernig hægt er að auðvelda sér starfið með góðu skipulagi og aðstoð upplýsingatækninnar.
Námskeiðið verður bæði í formi fyrirlestra og vinnustofu. Gefið verður gott rými fyrir umræður þannig að þátttakendur geti skipst á hugmyndum og reynslu.

Markmiðið með námskeiðinu er að:
• Auka þekkingu og færni sérkennslustjóra.
• Kynna ýmis verkfæri til þess að auðvelda sér störfin.
• Kynna notkunarmöguleika upplýsingatækninnar.
• Þátttakendur þekki og læri að nota Sérkennslutorg.
• Þátttakendur geti spurt og fengið svör um flest það sem þeim liggur á hjarta.

Á námskeiðinu er fjallað um:

• Starf sérkennslustjóra út frá helstu viðfangsefnum og hvernig hægt er að nýta upplýsingatækni til þess að gera sér vinnuna auðveldari.
• Hugmyndir til að leysa hin ýmsu viðfangsefni.
• Hugmynd, markmið og leiðir Sérkennslutorgs.
• Samfélagsmiðla sem gagnast vel til starfsþróunar.

Ávinningur þinn:

• Þú verður mikils vísari um ýmsar leiðir til þess að gera starf þitt auðveldara.
• Þú lærir á að koma þér upp ákveðnu ferli í starfi með aðstoð upplýsingatækni.
• Þú ferð af námskeiðinu með hugmyndir um það á hversu fjölbreyttan hátt er hægt að vinna starf sérkennslustjóra.
• Þú færð greinargóðar upplýsingar um Sérkennslutorg, markmið og leiðir þess.

Fyrir hverja:

Námskeiðið er ætlað sérkennslustjórum, óháð menntun viðkomandi.

Kennsla:

Fjóla Þorvaldsdóttir sérkennari hefur áratuga reynslu sem sérkennslustjóri og er með framhaldsmenntun á sviði sérkennslu og upplýsingatækni.

Hanna Rún Eiríksdóttir kennari hefur áralanga reynslu af kennslu nemenda með þroskahömlun í grunnskólum. Hún hefur verið umsjónarmaður Sérkennslutorgs frá upphafi og starfað í 3 ár í Klettaskóla sem er grunnskóli fyrir börn með þroskahömlun.

Aðrar upplýsingar:

Ef þátttakendur hafa aðgang að fartölvu eða iPad mega þeir gjarnan hafa það meðferðis á námskeiðið.

Mat þátttakenda

(4,8)

Umsagnir

Skemmtilegt og áhugavert. Kynntist fullt af tækniverkfærum.
Rosa áhugaverðir kennarar og uppfullar að upplýsingum.
Skemmtilegt og fróðlegt námskeið.
Mjög gott að fá allar þessar upplýsingar sem auðvelda bæði utanumhald og skipulagningu sérkennslustjórastarfsins.
Ég fékk góðar hugmyndir, mikilvægar upplýsingar, gott uppbyggilegt spjall við kollega.
0