Framúrskarandi vinkona í Þjóðleikhúsinu - Hrífandi saga um stormasama vináttu

Verð snemmskráning 13.500 kr Almennt verð 14.900 kr

Framúrskarandi vinkona í Þjóðleikhúsinu - Hrífandi saga um stormasama vináttu

Verð snemmskráning 13.500 kr Almennt verð 14.900 kr
Prenta
Nýtt
Snemmskráning til og með 30. nóvember
Stefnt er að því að halda námskeiðið á haustmisseri 2020. Dagsetningar námskeiðs verða kynntar hér um leið og ljóst er hvenær verkið verður frumsýnt.
Fyrirlesarar eru Hrafnhildur Hagalín, dramatúrg og Guðrún Vilmundardóttir, útgefandi.
Endurmenntun, Dunhaga 7 og í Þjóðleikhúsinu, Hverfisgötu 19

UPPLÝSINGAR UM ÁHRIF COVID-19 Á STARFSEMI EHÍ

Í samstarfi við Þjóðleikhúsið

Hrífandi leikverk, byggt á hinum geysivinsælu Napólí-sögum Elenu Ferrante, verður sett á svið Þjóðleikhússins í haust. Af því tilefni efna leikhúsið og Endurmenntun til námskeiðs um höfundinn, verkið og uppsetninguna.
Þetta er áhrifamikil saga um djúpa en flókna vináttu, heitar ástir, afbrýðisemi, sárar fórnir, æðruleysi, örvæntingu og baráttuna fyrir tilverurétti.

Miði á forsýningu er innifalinn í námskeiðsgjaldi.

Lila og Elena eru skarpgreindar stúlkur sem alast upp í fátækrahverfi í Napólí á sjötta áratugnum, harkalegu umhverfi þar sem ofbeldi stjórnar lífi fólks og réttur kvenna er lítils virtur. Við fylgjumst með vegferð þeirra frá æsku til fullorðinsára á tímum mikilla umbreytinga. Þær þurfa að beita öllum brögðum til að komast af, brjótast til mennta og öðlast betra líf.

Napólí-sögur Elenu Ferrante hafa farið sigurför um heiminn, selst í yfir tíu milljónum eintaka og verið þýddar á fjölmörg tungumál. Sjónvarpsþættir byggðir á sögunum eru þegar orðnir þeir vinsælustu í sögu Ítalíu og hafa slegið í gegn víða um heim. Leikverkið er byggt á sögunum
Framúrskarandi vinkona, Saga af nýju ættarnafni, Þeir sem fara og þeir sem fara hvergi, Sagan af barninu sem hvarf.

Leikstjórinn Yaël Farber er leikskáld og leikstjóri frá Suður-Afríku sem hefur öðlast mikla alþjóðlega viðurkenningu og leikstýrt víða um heim á undanförnum árum. Hún hefur meðal annars sett á svið rómaðar sýningar í helstu leikhúsum Bretlands og hlotið fjölda verðlauna og viðurkenninga.

Dagskrá námskeiðs:

• Fyrirlestrarkvöld,
Hrafnhildur Hagalín og Guðrún Vilmundardóttir fjalla um höfundinn, sögurnar, leikgerðina og uppsetninguna.

• Heimsókn á æfingu í Þjóðleikhúsinu

• Forsýning í Þjóðleikhúsinu
Umræður með þátttöku listrænna aðstandenda sýningarinnar í lokin.

0