Ítölsk hönnun - hugmynd, hlutur og orðræða - FJARNÁMSKEIÐ

Verð snemmskráning 24.800 kr Almennt verð 27.300 kr

Ítölsk hönnun - hugmynd, hlutur og orðræða - FJARNÁMSKEIÐ

Verð snemmskráning 24.800 kr Almennt verð 27.300 kr
Prenta
Nýtt
Snemmskráning til og með 31. janúar
Mið. 10. og 17. og 24. feb. kl. 20:00 - 22:00 (3x)
Halldóra Arnardóttir, PhD listfræðingur
Námskeiðið fer fram í rauntíma í fjarkennsluforritinu ZOOM.
Upplýsingar um þátttöku í ZOOM.

UPPLÝSINGAR UM ÁHRIF COVID-19 Á STARFSEMI EHÍ

Öll höfum við heyrt um ítalska hönnun. En þekkjum við það sem liggur að baki hennar, hvað gerir hana svo fræga og eftirsótta? Á námskeiðinu verður fjallað um þá getgátu og auðkenni hönnunar.

Hvað gerir ítalska hönnun auðþekkta? Hún á sér langa sögu en það var ekki fyrr en eftir síðari heimsstyrjöld sem hugtakið „italianità“ varð til á alþjóðulegum grundvelli. Hönnun gerðist hluti af því að endurreisa ítalskt samfélag eftir hörmungar stríðsins. Hún fólst ekki aðeins í því að arkitektar teiknuðu hluti og húsgögn heldur setti hún sér líka upp ákveðið kerfi til að tákna heiminn í kringum sig – mannlega tilveru – og í því skyni sótti hugmyndir sínar til stjórnmála, félagsfræði, mannfræði, heimspeki, iðnaðar og lista.
Í þessu kenninga- og fagurfræðilega samhengi verður m.a. rýnt í verk Gio Ponti, Vico Magistretti, Castiglioni, Ettore Sottsass, Bruno Munari, Carlo Scarpa, Carlo Mollino, Marcello Nizzoli og Marco Zanuso og þau um leið höfð til hliðsjónar sem dæmi um gagnrýna hugsun um áhrif hönnunar á lífshætti mannsins.

Á námskeiðinu er fjallað um:

• Hvað er hönnun og á hvað er horft þegar hún er skoðuð.
• Áhrif hönnunar á umhverfið í kringum okkur.
• Faglega umfjöllun og markaðssetningu.
• Auðkenni ítalskrar hönnunar.
• Uppáhalds hlutinn/húsgagnið. Hvað gerir hann að uppáhaldi?

Ávinningur þinn:

• Að öðlast hugmyndir um hönnun og hvað það er sem gerir „ítalska hönnun“ svo þekkta.
• Að geta rætt um hvernig ítölsk hönnun hefur áhrif á nærumhverfi sitt og mótar ferli mannlegra athafna.

Fyrir hverja:

Námskeiðið er ætlað öllum sem áhuga hafa á ítalskri hönnun og höfðar ekki síst til fagfólks á sviði lista og félagsvísinda.

Kennsla:

Halldóra Arnardóttir er PhD listfræðingur og meðstjórnandi verkefnisins Listir og menning sem meðferð. Doktorsritgerð hennar fjallaði um ‘Italianità’. Debates in Milan on Architecture and Design 1945 – 1964: Domus, Casabella Continuitá and Stile Industria. Undanfarin ár hefur Halldóra skrifað bækur um hönnun og arkitektúr, unnið við sýningarstjórn og sett upp sérsniðnar dagskrár fyrir einstaklinga með alzheimer í lista- og menningartengdum söfnum á Íslandi.

Aðrar upplýsingar:

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

0