Kópavogskrónika í Þjóðleikhúsinu

Verð snemmskráning 18.800 kr Almennt verð 20.700 kr

Kópavogskrónika í Þjóðleikhúsinu

Verð snemmskráning 18.800 kr Almennt verð 20.700 kr
Prenta
Nýtt
Snemmskráning til og með 8. febrúar
Þri. 18. og 25. feb. kl. 19:30 - 21:30: EHÍ, Dunhaga 7.
Þri. 3. og fim. 12. mars: Þjóðleikhúsið.
Kennarar á námskeiðinu eru Guðrún Elsa Bragadóttir, bókmenntafræðingur, Silja Hauksdóttir leikstjóri og höfundur leikgerðar og Ilmur Kristjánsdóttir leikkona og höfundur leikgerðar. Umsjón með námskeiðinu hafa Gréta Kristín Ómarsdóttir dramatúrg og Anna María Tómasdóttir aðstoðarleikstjóri.
Endurmenntun, Dunhaga 7 og í Þjóðleikhúsinu, Hverfisgötu 19

Í samstarfi við Þjóðleikhúsið

Í tengslum við sýningu Þjóðleikhússins á Kópavogskróniku mun Endurmenntun HÍ efna til námskeiðs um verkið, uppsetninguna og þemu í verkinu, í samvinnu við leikhúsið. Ögrandi og skemmtileg leiksýning, byggð á hispurslausri ástarsögu úr nútímanum.

Kópavogskrónika fjallar um unga, einstæða móður sem í kjölfar ástarsorgar dvelst langdvölum í Kópavogi, - bæ sem sagt er að sé slys og hefði aldrei átt að verða til. Ilmur Kristjánsdóttir og Silja Hauksdóttir skapa ögrandi og skemmtilega leiksýningu upp úr skáldsögu Kamillu Einarsdóttur, sem vakti mikla athygli þegar hún kom út árið 2018.
Kópavogskrónika er hispurslaus ástarsaga úr samtímanum en jafnframt opinskátt verk um samband móður og dóttur. Móðir talar til dóttur sinnar, gerir upp fortíðina og dregur ekkert undan í lýsingum á hömluleysi í drykkju, neyslu og samskiptum við karlmenn. Frásögnin er í senn kjaftfor, hjartaskerandi, kaldhæðin, fyndin og frelsandi.
Á námskeiðinu verður fjallað um verkið og það sett í samhengi við sköpunarverk kvenna í samtímanum á sviði bókmennta, leikhúss og kvikmynda. Fjallað verður um sköpunarferli leiksýningarinnar. Áhorfendur koma í heimsókn á æfingu í Þjóðleikhúsinu. Þeir sjá forsýningu í Þjóðleikhúsinu og taka þátt í stuttum umræðum með þátttöku listamanna á eftir.

Miði á forsýningu er innifalinn í námskeiðsgjaldi.

Dagskrá námskeiðsins
Þriðjudagskvöldið 18. feb. kl.19:30 - 21:30
Guðrún Elsa heldur fyrirlestur um skáldsöguna og setur verkið í samhengi við sköpunarverk kvenna í samtímanum á sviði bókmennta, leikhúss og kvikmynda. Endurmenntun, Dunhaga 7.

Þriðjudagskvöldið 25. feb. kl. 19:30 - 21:30
Silja og Ilmur kynna leikgerð sína og sköpunarferli sýningarinnar með þátttöku Grétu Kristínar og Önnu Maríu. Endurmenntun, Dunhaga 7.

Þriðjudagskvöldið 3. mars kl. 19:30 - 21:30
Heimsókn á æfingu og umræður. Gréta Kristín og Anna María taka á móti þátttakendum ásamt Silju og Ilmi. Kassinn, Þjóðleikhúsinu.

Fimmtudagskvöldið 12. mars kl. 19:30
Forsýning og stuttar umræður að lokinni sýningu undir stjórn Grétu Kristínar. Ilmur, Silja og Anna María taka þátt. Kassinn, Þjóðleikhúsinu.

Kennsla:

Kennarar á námskeiðinu eru Guðrún Elsa Bragadóttir, bókmenntafræðingur, Silja Hauksdóttir leikstjóri og höfundur leikgerðar og Ilmur Kristjánsdóttir leikkona og höfundur leikgerðar. Umsjón með námskeiðinu hefur Gréta Kristín Ómarsdóttir dramatúrg og Anna María Tómasdóttir aðstoðarleikstjóri.

0