Klerkar, keisarar og klækibrögð - Nútímasaga Íran - FJARNÁMSKEIÐ

Verð 42.400 kr

Klerkar, keisarar og klækibrögð - Nútímasaga Íran - FJARNÁMSKEIÐ

Verð 42.400 kr
Prenta
Nýtt
Mið. 20. og 27. jan. kl. 19:30 – 21:30
Mið. 17. og 24. feb. kl. 19:30 - 21:30
Mið. 3. og 10. mars kl. 19:30 - 21:30 (6x)
Dr. Magnús Þorkell Bernharðsson, prófessor í sögu Mið-Austurlanda við Williams College í Bandaríkjunum
Námskeiðið fer fram í rauntíma í fjarkennsluforritinu ZOOM.
Upplýsingar um þátttöku í ZOOM.

Á þessu sex kvölda fjarnámskeiði verður hin magnaða saga og reynsla Írana sl. 100 ár rakin og metin. Námskeiðinu er skipt upp í þrjár lotur og fer kennslan fram tvö kvöld í janúar, tvö í febrúar og tvö í mars.

Í fyrstu lotu verður fjallað um Íran fram að byltingunni 1979, eða tímabil Pahlavi keisaradæmisins. Á þessum tíma voru metnaðargjarnar hugmyndir á lofti um að nútímavæða Íran að vestrænni fyrirmynd. Næsta lota fjallar svo um sjálfu byltinguna (1978-9) og þær miklu breytingar sem hún innleiddi. Siðasta lotan metur svo reynslu íslamska lýðveldisins fram til dagsins í dag. Fjallað verður um Ajax aðgerðina 1953, hvítu byltinguna 1963, hugmyndir Khomeini um stjórnarfar, íranska marxista og feminista og gíslatöku í  bandaríska sendiráðinu í Tehran.

Einnig verða skoðaðar breytingar á íranska lagakerfinu sérstaklega hvað varðar stöðu kvenna og áhrif stríðsins við Írak. Að lokum verður kjarnorkuáætlun Írana skoðuð sem og menningarstarfsemi í landinu, t.d. kvikmyndagerð.

Til þess að fá enn betri innsýn í stjórnmálasögu landsins munu þátttakendur fá aðgang að og verða hvattir til að lesa ýmis frumgögn sem tengjast þessari sögu sem og að horfa á íranskar biómyndir.

Kennsla:

Dr. Magnús Þorkell Bernharðsson er prófessor í sögu Mið-Austurlanda við Williams College í Bandaríkjunum og gistikennari við Guðfræði- og trúarbragðafræðideild Háskóla Íslands.

Aðrar upplýsingar:

Átt þú rétt á styrk frá þínu stéttarfélagi til að sækja námskeið eða nám?
Kannaðu málið HÉR.

Mat þátttakenda

á mælikvarðanum 1 til 5
(4,97)

Umsagnir


Umsagnir ánægðra þátttakenda á fyrri námskeiðum Magnúsar Þorkels:

Mjög gott námskeið. Frábær kennari með yfirburða þekkingu og kemur námsefni vel til skila.

Mjög yfirgripsmikið og skýrt - Magnús gefur góða hugmynd af ástandinu án fordóma.

Vel skipulagt og ótrúlega mikil fræðsla á stuttum tíma. Kennarinn þekkir sögu og staðreyndir/atburði vel og gerir efnið ótrúlega lifandi og spennandi.

Stórkostlegt námskeið í alla staði og lærdómsríkt.

Einn besti og áhugasamasti kennari sem ég hef hlýtt á!
0