Virkustu eldstöðvar Íslands - Öræfajökull

Verð 11.900 kr

Virkustu eldstöðvar Íslands - Öræfajökull

Verð 11.900 kr
Prenta
Nýtt
Mán. 8. apríl kl. 19:30 - 21:30
Páll Einarsson, prófessor í jarðeðlisfræði við HÍ
Endurmenntun, Dunhaga 7.

Námskeiðið tilheyrir röð fimm sjálfstæðra námskeiða sem fjalla um virkni og ástand fimm virkustu eldstöðva Íslands. Eldsumbrot á síðustu áratugum hafa varpað ljósi á eðli kvikuhreyfinga og ferð kviku úr möttli jarðar til yfirborðs. Eldstöðvarnar fimm sýna, um þessar mundir, merki um að þær undirbúi gos á næstu árum eða áratugum. Fjallað verður um mælingar sem gerðar eru til að fylgjast með hegðun þeirra en einnig hvers konar gosum megi búast við í hverri þeirra.

Öræfajökull hefur gosið einungis tvisvar síðan sögur hófust. Gosið 1362 var með stærstu sprengigosum á landinu á sögulegum tíma en gosið 1727 var meðalstórt gos í vesturhlíðum fjallsins. Skjálftamælingar síðustu áratuga sýna að fjallið var fremur rólegt fram til 2016 en þá um haustið fór að bera á vaxandi skjálftavirkni. Síðan þá hafa mælst greinileg merki um vaxandi þrýsting undir eldstöðinni og hefur eftirlit verið eflt af þeim sökum.

Á námskeiðinu er fjallað um:

• Gosin í Öræfajökli.
• Mælingar á þrýstingi og skjálftavirkni frá 2016.

Fyrir hverja:

Námskeiðið er ætlað áhugasömum almenningi. Það getur nýst kennurum og leiðsögumönnum í starfi sínu sem og fólki sem tengist almannavörnum eða hjálparsveitum.

Kennsla:

Páll Einarsson stundaði nám í eðlisfræði og jarðeðlisfræði í Þýskalandi og Bandaríkjunum og tók doktorspróf frá Columbia University í New York árið 1975. Í starfi sínu sem sérfræðingur við Raunvísindastofnun Háskólans og prófessor við Háskóla Íslands hefur hann unnið við rannsóknir á jarðskorpuhreyfingum, jarðskjálftum og eldvirkni í meira en fjóra áratugi.

Aðrar upplýsingar:

Ef öll þrjú námskeiðin eru sótt á misserinu er veittur 20% afsláttur en hann er reiknaður af verði síðasta námskeiðsins.
Virkustu eldstöðvar Íslands – Katla
Virkustu eldstöðvar Íslands – Hekla
Virkustu eldstöðvar Íslands – Öræfajökull
Vinsamlega takið fram í athugasemdum við skráningu ef þú sóttir námskeiðin um Kötlu og Heklu.

Athugið að tvö síðustu námskeiðin í þessari röð verða á haustmisseri.
Virkustu eldstöðvar Íslands - Bárðarbunga
Virkustu eldstöðvar Íslands – Grímsvötn

0