Rýmishönnun - heimilið mitt

Verð snemmskráning 24.900 kr Almennt verð 27.400 kr

Rýmishönnun - heimilið mitt

Verð snemmskráning 24.900 kr Almennt verð 27.400 kr
Prenta
Nýtt
Snemmskráning til og með 6. febrúar
Þri. 16. feb. og 2. mars kl. 19:30 - 22:00
Emilía Borgþórsdóttir, iðnhönnuður
Endurmenntun, Dunhaga 7.

UPPLÝSINGAR UM ÁHRIF COVID-19 Á STARFSEMI EHÍ

Viltu lagfæra rými hjá þér undir handleiðslu iðnhönnuðar í góðum hópi?
Oft geta einfaldar breytingar og gott skipulag gjörbreytt upplifun og tilgangi rýmisins. Fjallað verður um þarfagreiningu, skipulag, uppröðun húsgagna og fagurfræði.

Á námskeiðinu verður skoðað hvaða rými þátttakandi tekur fyrir, skipt upp í hópa og farið yfir hvernig byrjað er á endurbótum á rými, þ.e. þarfagreining og tilgangur, stemning, litir, skipulag, uppröðun, stílisering o.fl.

Fjallað verður um grunnhugtök hönnunar og að hvaða þáttum þarf að huga til að fá þá stemningu sem leitað er eftir. Gæta þarf lýsingar, lita, góðs skipulags og margra annarra þátta.

Á námskeiðinu er fjallað um:

• Þarfagreining á rýminu, hlutverk rýmisins.
• Hvað þarf fyrir gott skipulag?
• Hvað gera litir fyrir rýmið?
• Notað eða nýtt?
• Stemning, val á húsgögnum.
• Lýsing.

Ávinningur þinn:

• Þú færð leiðsögn um hvernig þú átt að bera þig að.
• Hver er þinn smekkur og hvernig stemningu viltu fanga.
• Þú færð betri skilning á hvað þarf til að bæta skipulag og útlit rýmisins.

Fyrir hverja:

Fyrir alla sem hafa áhuga á að taka í gegn ákveðið rými allt frá þarfagreiningu til fullbúins rýmis undir handleiðslu á þriggja vikna tímabili.

Kennsla:

Kennari er Emilía Borgþórsdóttir iðnhönnuður. Hún starfaði áður í Bandaríkjunum við húsgagnahönnun og innanhússhönnun en starfar nú sem sjálfstæður hönnuður við fjölbreytt verkefni.

Aðrar upplýsingar:

Þátttakandi þarf að hafa með sér málsettar teikningar og ljósmyndir af rými. Gott er að hafa einhverja hugmyndir um útlit þó það eigi eftir að taka breytingum á námskeiðinu.
Það er gott að taka með sér fartölvu, ritföng til að geta skissað upp rýmið. Þá má taka mál af húsgögnum sem eiga að vera staðsett í rýminu.

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
A – færa námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
B kenna námskeiðið sem fjarnámskeið í gegnum ZOOM á áður auglýstum tíma.

Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

0