Agile verkefnastjórnun

Verð snemmskráning 28.600 kr Almennt verð 31.500 kr

Agile verkefnastjórnun

Verð snemmskráning 28.600 kr Almennt verð 31.500 kr
Prenta
Snemmskráning til og með 8. mars
Fim. 18. mars kl. 8:30 - 12:30
Viktor Steinarsson, upplýsingatæknistjóri hjá Vegagerðinni og vottaður verkefnastjóri IPMA og ScrumMaster
Endurmenntun, Dunhaga 7.

UPPLÝSINGAR UM ÁHRIF COVID-19 Á STARFSEMI EHÍ

Hugmyndafræði Agile við stjórnun verkefna er upphaflega komin frá hugbúnaðariðnaðinum en hefur síðastliðin ár verið að breiðast út í fleiri greinar atvinnulífsins. Á námskeiðinu er farið yfir hugmyndafræði Agile verkefnastjórnunar og hvernig hægt er að nýta hana við stýringu verkefna í verkefnadrifnum skipulagsheildum.

Á námskeiðinu verður farið yfir grunnatriði Agile verkefnastjórnunar ásamt því að skoða Scrum. Fjallað verður um helstu hugtök, hlutverk og uppbyggingu aðferðafræðinnar og tengsl hennar við skipulag fyrirtækja í dag og hvernig hún getur nýst við stjórnun verkefna í verkefnadrifnum skipulagsheildum.

Á námskeiðinu er fjallað um:

• Agile hugmyndafræði.
• Grunnatriði Scrum hugmyndafræðinnar.
• Hlutverk í Scrum.
• Eftirfylgni með Scrum.
• Teymisvinnu.
• Samsetningu teyma og skipulag verkefna.
• Hvernig hægt er að nýta Scrum við daglega stjórnun verkefna.
• Mat verkefna, verkþátta og áætlanir í Scrum.
• Niðurbrot verkefna.
• Mannlega þáttinn í verkefnastjórnun.

Ávinningur þinn:

• Aukin þekking á grunnatriðum Agile og Scrum.
• Aukin þekking á stýringu verkefna.
• Betri skilningur á því hvernig mögulegt er að nýta Agile verkefnastjórnun við úrlausn ólíkra tegunda verkefna.

Fyrir hverja:

Námskeiðið er tilvalið fyrir alla þá sem hafa áhuga á því að kynnast Agile verkefnastjórnun og notkun Agile aðferðafræðarinnar við stýringu verkefna.

Kennsla:

Viktor Steinarsson er með B.Sc. í tölvunarfræði frá Háskólanum í Reykjavík og meistaragráðu í verkefnastjórnun frá HÍ (MPM). Viktor er vottaður verkefnastjóri frá IPMA sem og vottaður ScrumMaster. Viktor hefur starfað sem verkefnastjóri og ScrumMaster hjá fyrirtækjum hér heima og erlendis og er í dag upplýsingatæknistjóri hjá Vegagerðinni.

Aðrar upplýsingar:

Námskeiðið byggist upp á fyrirlestrum.

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
A færa námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
B kenna námskeiðið sem fjarnámskeið í gegnum ZOOM á áður auglýstum tíma.

Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Mat þátttakenda

á mælikvarðanum 1 til 5
(4,6)

Umsagnir

Góð kennsla og fræðandi
Mjög góð yfirferð yfir hugtök og hugmyndafræði.
Áhugavert efni og leiðbeinandi tilbúinn til að útskýra og ræða.
Mjög góð og áhugaverð kynning á viðfangsefni.
Viktor fróður um efnið, góð dæmi, fjölþætt reynsla í kringum hugbúnaðarvinnu.
0