UPPLÝSINGAR UM ÁHRIF COVID-19 Á STARFSEMI EHÍ

Námskeiðið er sjálfstætt framhald af námskeiðinu Danska - þjálfun í talmáli á léttum nótum og hentar því þeim sem setið hafa það námskeið og einnig þeim sem dvalið hafa í Danmörku um lengri eða skemmri tíma og vilja viðhalda kunnáttu sinni.

Á námskeiðinu er fjallað um:

• Samtalsfærni (Hópverkefni).
• Mikilvægi hlustunar til að ná tökum á málinu.
• Muninn á rituðu máli og töluðu máli í dönsku (framburðar gildrur).
• Danska menningu.
• Grunnatriði danskrar málfræði.

Ávinningur þinn:

• Þú nærð betri tökum á töluðu máli í dönsku.
• Þú eflir framburð þinn í dönsku.
• Skilningur þinn eykst.
• Þú færð aukna sýn á danska menningu.

Kennsla:

Casper Vilhelmsen er menntaður kennari í dönsku og starfar við kennslu í Víðistaðaskóla. Hann er með BA gráðu í dönsku og hefur kennt hjá Endurmenntun HÍ síðan haustið 2006.

Aðrar upplýsingar:

Til að fá sem mest út úr námskeiðinu fer allt fram á dönsku.

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
A – færa námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
B – kenna námskeiðið sem fjarnámskeið í gegnum ZOOM á áður auglýstum tíma.

Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.