Áætlanagerð fyrir lítil og meðalstór fyrirtæki

Verð snemmskráning 3.000 kr Almennt verð 3.000 kr

Áætlanagerð fyrir lítil og meðalstór fyrirtæki

Verð snemmskráning 3.000 kr Almennt verð 3.000 kr
Prenta
Snemmskráning til og með 23. júní
Mán. 29. og þri. 30. júní kl. 08:30 - 12:30
Haukur Skúlason, MBA og framkvæmdastjóri Indó
Endurmenntun, Dunhaga 7.

SUMARÚRRÆÐI STJÓRNVALDA

Á þessu námskeiði er farið yfir gerð rekstraráætlunar fyrir lítil og meðalstór fyrirtæki og hvað hafa ber í huga við slíkt. Þátttakendur gera rekstraráætlun í Excel og læra þannig hvernig slík áætlun er byggð upp og hvernig nýta má hana til að setja upp ólíkar sviðsmyndir í rekstrinum.

Á námskeiðinu verður farið yfir mikilvægi þess að gera rekstraráætlun innan fyrirtækja, hvað einkennir slíkar áætlanir og hvernig slík áætlun er gerð. Farið verður ítarlega í dæmi um uppbyggingu slíkrar áætlunar og mikilvægi hvers liðar í uppbyggingu hennar, auk þess sem farið verður í samspil mismunandi þátta innan hennar. Í lok námskeiðisins eiga þátttakendur að geta sett upp sína eigin rekstraráætlun og notað hana til að fá betri yfirsýn yfir rekstur sinn.

Námskeiðið nýtist öllum þeim sem bera ábyrgð á rekstri fyrirtækis eða deildar, og vilja bæta fjárhagslega yfirsýn sína. Oft eru vandamál í rekstri fyrirtækja sjáanleg með góðum fyrirvara ef vel er að gáð og réttu tækin notuð, og því getur þekking á rekstraráætlun sparað háar fjárhæðir og aukið arðsemi umtalsvert ef vel er að henni staðið.

Á námskeiðinu er fjallað um:

• Verklega uppbyggingu rekstraráætlunar.
• Hvað ber að varast við gerð áætlunarinnar.
• Hvernig áætlunin nýtist eigendum og stjórnendum.

Ávinningur þinn:

• Betri innsýn í reksturinn til framtíðar.
• Auknar líkur á bættri arðsemi og betri rekstri.

Fyrir hverja:

Námskeiðið er ætlað þeim sem eru byrjendur í gerð áætlana og þá sérstaklega fyrir eigendur lítilla og meðalstórra fyrirtækja og stjórnendur þeirra sem vilja koma áætlanagerð í fastar skorður og geta byggt áætlanir á traustum stoðum. Efni námskeiðsins hentar einnig þeim sem annast rekstraráætlanir hjá hinu opinbera.

Kennsla:

Haukur Skúlason er með B.A., B.Sc. og MBA gráður. Hann hefur starfað sem verkefnastjóri framtaksfjárfestinga hjá Íslandssjóðum, dótturfyrirtæki Íslandsbanka og sérhæft sig í fjárfestingum í fasteignafélögum og frumkvöðlafyrirtækjum.
Í dag er hann framkvæmdastjóri Indó.

Aðrar upplýsingar:

Þátttakendur þurfa að vera með tölvu og Excel á námskeiðinu til að geta tekið virkan þátt í því.

Einingar FLE: 8 Reikningsskil og fjármál
FVB punktar: 15

SUMARÚRRÆÐI STJÓRNVALDA

Mat þátttakenda

á mælikvarðanum 1 til 5
(5,00)

Umsagnir

Mjög skýrt námsefni, skemmtileg og ítarleg yfirferð.
Skemmtileg kennsla og framsetning.
Góð yfirfærsla á ársreikningi og hugtökum. Góð útskýring á viðfangsefni.
Mjög gott námskeið.
0