Að rita ævisögur og endurminningar

Verð snemmskráning 36.900 kr Almennt verð 40.600 kr
Prenta
Snemmskráning til og með 27. janúar
Þri. 6. feb. - 27. feb. kl. 19:30 - 21:30 (4x)
Páll Valsson, bókmenntafræðingur og rithöfundur
Endurmenntun, Dunhaga 7.

Langar þig að skrásetja minningar sem sækja á þig? Siturðu uppi með fróðleik um ættingja, vini eða tímabil sem þú veist ekki hvað skal gera með? Ertu kannski með bók í bígerð?

Á námskeiðinu verður fjallað um ævisögur og endurminningar frá ýmsum sjónarhornum. Helstu skólar í ævisagnaritun verða kynntir en líka aðferðir til þess að takast á við eigin minningar, fróðleik eða upplýsingar. Farið verður vandlega í frásagnaraðferðir og ýmsar leiðir sem hægt er að nota, og jafnframt fjallað um heimildanotkun og frágang þeirra.

Á námskeiðinu er fjallað um:

• Hvernig eigi að bera sig að við ritun minninga eða ævisögulegs efnis.
• Ýmsar gerðir ævisagna og þróun þeirra.
• Ólíkar frásagnaraðferðir og stílbrögð; skáldaleyfi, ýkjur, sviðsetningar.
• Framsetningu og heimildanotkun.
• Tengsl sannleika og skáldskapar í ævisögum.

Ávinningur þinn:

• Að læra að skrifa góðan texta um sjálfan sig og aðra.
• Fræðast um margvíslegan vanda og álitamál tengd ævisagnaritun.
• Að hugleiða „sannleika“ og „lygi“ um ævi fólks.
• Umgengni við heimildir og ritað mál.

Fyrir hverja:

Námskeiðið er ætlað öllum þeim sem hafa velt fyrir sér að skrá minningar sínar, ættingja sinna, sögu ættar/staðar / dýra / hluta ... og áhugafólki um ævisögur.

Kennsla:

Páll Valsson er bókmenntafræðingur og rithöfundur. Páll hefur starfað í áratugi við bókaútgáfu, bæði sem ritstjóri og útgáfustjóri, og að auki skrifað ævisögur Jónasar Hallgrímssonar, Vigdísar Finnbogadóttur og Egils Ólafssonar. Páll hefur að auki víðtæka kennslureynslu bæði af framhaldsskóla- og háskólastigi.

Mat þátttakenda

á mælikvarðanum 1 til 5
(4,88)

Umsagnir

Skemmtilegt, hvetjandi, áhugavekjandi. Fallegt hve allir þátttakendur nutu virðingar kennara.

Góður fyrirlesari, traustvekjandi, fróður öruggur.

Fróðlegt, praktískt. Áhugavert að sjá hvað aðrir eru að gera.

Páll gaf góða yfirsýn um efnið og opnaði nýja sýn.

Gaf manni sjálfstraust til að eiga samtal við heimildir og gloppur í heimildum.

Mjög fróðlegt og opnar heilan heim
0