Skrif...andi

Verð snemmskráning 41.900 kr Almennt verð 46.100 kr

Skrif...andi

Verð snemmskráning 41.900 kr Almennt verð 46.100 kr
Prenta
Snemmskráning til og með 19. febrúar
Mán. 1. - 29. mars kl. 19:30 - 21:30 (5x)
Ólöf Sverrisdóttir leikkona og ritlistarkona
Endurmenntun, Dunhaga 7.

UPPLÝSINGAR UM ÁHRIF COVID-19 Á STARFSEMI EHÍ

Á þessu námskeiði er lögð áhersla á að skrifa sér til gamans og opna fyrir flæði og hugmyndir. Notaðar eru fjölbreytilegar kveikjur og æfingar sem örva ímyndunarafl og sköpunargleði.

Á námskeiðinu eru notaðar fjölbreytilegar æfingar sem hjálpa til við að skapa umhverfi, persónur og söguþráð sem spretta úr hugarheimi hvers og eins. Hvort sem það er sannsögulegt eða ímyndað fá allir æfingu í að opna fyrir streymi hugmynda úr eigin fjársjóðskistu.

Við skoðum ólík sjónarhorn og frásagnaraðferðir og æfum okkur að skrifa alls konar texta, ljóð og lýsingar.

Á námskeiðinu er fjallað um:

• Að skrifa í flæði.
• Mismunandi sjónarhorn.
• Persónusköpun.
• Umhverfislýsingar.

Ávinningur þinn:

• Hugmyndaflæðið eflist og ímyndunaraflið eykst.
• Sköpunargleðin er komin til að vera.
• Að læra að skrifa í flæði og ná tengslum við innri rödd.
• Skýrari sýn á eðli ritlistar og hvað þarf að hafa í huga.

Fyrir hverja:

Skemmtilegt og skapandi námskeið fyrir alla sem hafa gaman af því að skrifa og vilja kynnast nýjum aðferðum og virkja ímyndunaraflið.

Kennsla:

Ólöf Sverrisdóttir er leikkona með MA próf í Theater Practice. Hún hefur kennt á námskeiðum í leiklist, ritlist og sagnalist. Ólöf hefur skrifað eina barnabók og nokkur leikrit en er sjálf á síðustu metrunum í ritlistarnámi í HÍ. Hún hefur mikinn áhuga á ritlist sem verkfæri til sjálfsheilunar og uppbyggingar.

Aðrar upplýsingar:

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
A – færa námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
B kenna námskeiðið sem fjarnámskeið í gegnum ZOOM á áður auglýstum tíma.

Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Mat þátttakenda

á mælikvarðanum 1 til 5
( 4,3)

Umsagnir

Skemmtilegur kennari með góðar hugmyndir sem hjálpuðu til við að setja sköpunarkraftinn af stað.
Góðar æfingar til að draga úr okkur „frumlegri“ texta. Kominn með hugmynd að bók!
Skemmtilegt og vel upplýsandi námskeið.
Hvetjandi andrúmsloft, fullt af góðum hugmyndum og góður félagsskapur.
0