Núvitundarnámskeið: Velkomin í núið – frá streitu til sáttar

Verð snemmskráning 57.900 kr Almennt verð 63.700 kr

Núvitundarnámskeið: Velkomin í núið – frá streitu til sáttar

Verð snemmskráning 57.900 kr Almennt verð 63.700 kr
Prenta
Snemmskráning til og með 10. janúar
Mán. 20. jan - 9. mars kl. 19:30 - 21:00 (8x)
Margrét Bárðardóttir, sálfræðingur
Endurmenntun, Dunhaga 7.

Velkomin í núið er átta vikna núvitundarnámskeið sem er hugsað fyrir almenning til að takast á við streitu daglegs lífs. Markmið námskeiðsins er að þjálfa núvitund, öðlast meiri hugarró og njóta betur líðandi stundar.

Í núvitundarþjálfun er tvinnað saman aðferðum hugrænnar atferlismeðferðar og sálfræði austrænnar visku. Niðurstöður rannsókna hafa sýnt fram á að núvitundarþjálfun hefur jákvæð áhrif á vellíðan, bætir heilsufar, dregur úr streitu, kvíða og depurð. Hún felur í sér að læra að nema staðar „hér og nú“, láta af sjálfstýringu hugans og sættast betur við það sem er.

Stuðst verður einna helst við reynslunám (experiential learning) þar sem áhersla er lögð á að þátttakendur upplifi efnið á eigin skinni með hugleiðsluæfingum og annarri hugarþjálfun. Einnig verður fræðsla og umræða.

Námskeiðið er átta vikna langt. Hver tími er 1 ½ klst. að lengd og mælt er með 20 - 40 mínútna heimavinnu á hverjum degi á meðan á námskeiðinu stendur.

Á námskeiðinu er fjallað um:

• Núvitund
• Sjálfstýringu hugans
• Hugarstarfsemirnar „að gera“ og „að vera“
• Meðvitað val

Ávinningur þinn:

• Minni streita, kvíði og depurð
• Aukin hugarró
• Aukin meðvitund og þátttaka í eigin lífi

Fyrir hverja:

Námskeiðið er fyrir alla sem vilja kynna sér nálgun núvitundar til að takast á við depurð, kvíða og streitu daglegs lífs. Auka almenna vellíðan sem skilar sér bæði í einkalífi og starfi.

Kennsla:

Margrét Bárðardóttir lauk námi í sálfræði við Freie Universität í Berlín. stundaði  nám í hugrænni atferlismeðferð í Oxford, sótti kennaranámskeið í núvitund bæði við Oxford Cognitive Therapy Centre  og við háskólann í Bangor, Wales. Hú hefur starfað á ýmsum deildum geðsviðs LSH.  Síðustu árin hefur hún lagt aukna áherslu á ,,Núvitund og samkennd í eigin garð" (Mindful Self Compassion) og er í kennaranámi á því sviði. Margrét, sem hefur haldið fjölmörg námskeið í núvitund, stundað kennslu á háskólastigi og sinnt handleiðslu víða, rekur eigin sálfræðistofu og er aðili að Núvitundarsetrinu.

Aðrar upplýsingar:

Gott er að taka með jógadýnu.

Mat þátttakenda

á mælikvarðanum 1 til 5
(4,91)

Umsagnir

Þekking kennara á efninu og hæfni hennar til að deila því til nemenda mjög góð.
Mjög nytsamlegt og gott námskeið.
Námskeiðið í heild sinni var alveg frábært.
Einstök nærvera kennara sem hafði góð áhirf á allan hópinn.
0