Byrjaðu í golfi – fyrir byrjendur og lengra komna

Verð 31.500 kr

Byrjaðu í golfi – fyrir byrjendur og lengra komna

Verð 31.500 kr
Prenta
Mán. og mið. 25. jan. - 1. feb. kl. 20:00 - 22:00. Kennt er 27. jan. í Hraunkoti, æfingarhúsnæði GK
Magnús Birgisson PGA golfkennari og SNAG master leiðbeinandi
Endurmenntun, Dunhaga 7 og í æfingahúsnæði.

UPPLÝSINGAR UM ÁHRIF COVID-19 Á STARFSEMI EHÍ

Í samstarfi við Hissa, ráðgjafar- og fræðslumiðstöð um golf.

Nú er hægt að byrja í golfi í ENDURMENNTUN HÍ. Á námskeiðinu eru grunnatriðin í golfi kennd með Starting New At Golf (SNAG) golfkennslukerfinu sem hefur slegið í gegn út um allan heim. Kennslan fer fram í formi fyrirlestra, æfinga og leikja.

Golf er vinsæl íþrótt meðal allra aldurshópa og það er hægt að byrja að spila golf hvenær sem er á lífsleiðinni. Á námskeiðinu verður farið í alla þá grunnþætti sem nauðsynlegir eru fyrir fyrstu skrefin á golfvellinum.

Á námskeiðinu er fjallað um:

• Grunnhreyfingar í golfsveiflunni.
• Öll meginhögg í golfi.
• Siði og grunnreglur í golfleiknum.
• Venjur og hugarfar við golfiðkun.

Ávinningur þinn:

• Kynnast golfleiknum á auðveldan og skemmtilegan hátt.
• Læra og æfa grunnhreyfingar í golfi við þægilegar aðstæður.
• Kynnast margverðlaunuðu kennslukerfi- og búnaði SNAG.
• Öðlast skilning á helstu siðum, venjum og grunnreglum golfsins.

Fyrir hverja:

Námskeiðið er fyrir alla sem hafa áhuga á að læra grunnhreyfingar og kynnast siðum og venjum í golfi við þægilegar aðstæður og fyrir þá sem vilja kynna sér sérstaklega SNAG kerfið. Eftir námskeiðið eru þátttakendur betur undirbúnir undir áframhaldandi golfkennslu hjá golfkennurum og t.d. til að taka þátt í skemmtigolfmótum.

Kennsla:

Magnús Birgisson PGA golfkennari og SNAG master leiðbeinandi. Magnús hefur kennt þúsundum íslendinga golf í einstaklingskennslu og í golfskólum á Íslandi og á Spáni um árabil. Magnús vinnur nú að fjölgun kylfinga með SNAG golf kennslukerfinu.

Aðrar upplýsingar:

Kennt er í húsnæði ENDURMENNTUNAR HÍ og á æfingasvæði innanhúss.

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
A – færa námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
B kenna námskeiðið sem fjarnámskeið í gegnum ZOOM á áður auglýstum tíma.

Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Mat þátttakenda

á mælikvarðanum 1 til 5
(4,63)

Umsagnir

Hvetjandi og jákvæður kennari.
Allt mjög gott og stóðst væntingar.
Þægilegur leiðbeinandi, útskýrði vel.
Mjög gott námskeið.
0