Núvitundarnámskeið: Velkomin í núið – frá streitu til sáttar

Verð snemmskráning 57.900 kr Almennt verð 63.700 kr

Núvitundarnámskeið: Velkomin í núið – frá streitu til sáttar

Verð snemmskráning 57.900 kr Almennt verð 63.700 kr
Prenta
Snemmskráning til og með 2. apríl
Mán. 12. apríl - 7. júní kl. 19:30 - 21:00 (8x). Frí 24. maí.
Herdís Finnbogadóttir, sálfræðingur
Endurmenntun, Dunhaga 7.

UPPLÝSINGAR UM ÁHRIF COVID-19 Á STARFSEMI EHÍ

Velkomin í núið er átta vikna núvitundarnámskeið sem er hugsað fyrir almenning til að takast á við streitu daglegs lífs. Markmið námskeiðsins er að þjálfa núvitund, öðlast meiri hugarró og njóta betur líðandi stundar.

Í núvitundarþjálfun er tvinnað saman aðferðum hugrænnar atferlismeðferðar og sálfræði austrænnar visku. Niðurstöður rannsókna hafa sýnt fram á að núvitundarþjálfun hefur jákvæð áhrif á vellíðan, bætir heilsufar, dregur úr streitu, kvíða og depurð. Hún felur í sér að læra að nema staðar „hér og nú“, láta af sjálfstýringu hugans og sættast betur við það sem er.

Stuðst verður einna helst við reynslunám (experiential learning) þar sem áhersla er lögð á að þátttakendur upplifi efnið á eigin skinni með hugleiðsluæfingum og annarri hugarþjálfun. Einnig verður fræðsla og umræða.

Námskeiðið er átta vikna langt. Hver tími er 1 ½ klst. að lengd og mælt er með 20 - 40 mínútna heimavinnu á hverjum degi á meðan á námskeiðinu stendur.

Á námskeiðinu er fjallað um:

• Núvitund
• Sjálfstýringu hugans
• Hugarstarfsemirnar „að gera“ og „að vera“
• Meðvitað val

Ávinningur þinn:

• Minni streita, kvíði og depurð
• Aukin hugarró
• Aukin meðvitund og þátttaka í eigin lífi

Fyrir hverja:

Námskeiðið er fyrir alla sem vilja kynna sér nálgun núvitundar til að takast á við depurð, kvíða og streitu daglegs lífs. Auka almenna vellíðan sem skilar sér bæði í einkalífi og starfi.

Kennsla:

Herdís Finnbogadóttir lauk cand psych námi í sálfræði frá Háskóla Íslands, hefur sótt  kennaranámskeið í núvitund á vegum Oxford Mindfulness Centre og er menntaður jógakennari. Herdís starfaði áður sem skólasálfræðingur  en er nú sálfræðingur á geðsviði Landspítalans þar sem hún stýrir meðferðarúrræði þar sem áhersla er lögð á núvitundarþjálfun. Síðastliðin ár hefur hún lagt áherslu á meðferð byggða á samkennd (Compassion Focused Therapy). Samhliða starfinu hefur hún stundað kennslu á háskólastigi og rekið eigin sálfræðistofu.

Aðrar upplýsingar:

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
A – færa námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
B kenna námskeiðið sem fjarnámskeið í gegnum ZOOM á áður auglýstum tíma.

Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Mat þátttakenda

á mælikvarðanum 1 til 5
(4,33)

Umsagnir

Mjög ánægð með námskeiðið, bæði með kennsluna og námsefnið.
Kem til með að mæla með þessu námskeiði.
Herdís er frábær leiðbeinandi. Mjög ánægjulegt að fylgjast með því hvernig hún tók utanum okkur öll með svo styðjandi hætti.
0