Bragfræði fyrir byrjendur

Verð snemmskráning 28.600 kr Almennt verð 31.500 kr

Bragfræði fyrir byrjendur

Verð snemmskráning 28.600 kr Almennt verð 31.500 kr
Prenta
Snemmskráning til og með 28. febrúar
Mið. 10. - 24. mars kl. 20:00 - 22:00 (3x)
Kristján Hreinsson, skáld og heimspekingur
Endurmenntun, Dunhaga 7.

UPPLÝSINGAR UM ÁHRIF COVID-19 Á STARFSEMI EHÍ

Ef þig langar að læra undirstöðuatriði bragfræðinnar, ef í þér blundar skáld eða ef þig langar að setja saman tækifæriskveðskap sem er laus við bragvillur, þá er þetta námskeið eitthvað fyrir þig.

Orðsins listir láttu fá
leiki tungu þinnar,
svo vönduð fljúgi vísa á
vængjum bragfræðinnar.

Á þessu námskeiði mun Kristján Hreinsson, skáld og heimspekingur, fara í helstu grunnþætti bragfræðinnar. Hann mun útskýra: ljóðstafi, rím, ýmsa bragarhætti, sýna rétta stuðlasetningu; benda á hortitti, ambögur, ofstuðlun, aularím og fleira. Hann mun sýna fjölmörg dæmi um góðar vísur og draga fram eitt og annað sem ekki er eins vel gert.

Vísa þessi virðist ná
veikan grun að styrkja
ef kemur fram að Kristján H.
kunni vel að yrkja.

Á námskeiðinu er fjallað um:

• Bragfræði af bestu sort
• Bögu munt þú heyra.
• Vísustef sem vel er ort.
• Vönduð ljóð og fleira.

Ávinningur þinn:

• Þú munt ná að byrja brag.
• Þú bögu færð að virkja.
• Þú færð skilið ljóð og lag.
• Þú læra munt að yrkja.

Fyrir hverja:

Námskeiðið er fyrir alla sem vilja læra bragfræði.

Kennsla:

Kristján Hreinsson er skáld og heimspekingur. Hann er einnig menntaður framhaldsskólakennari. Bækur hans eru rúmlega 60 talsins. Hann hefur ort u.þ.b. 1000 söngtexta sem komið hafa út á plötum. Hefur skrifað mikinn fjölda greina, ógrynni limra og annarra lausavísna. Kristján hefur áður haldið mörg námskeið hjá Endurmenntun, með afar góðum árangri. 

Aðrar upplýsingar:

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
A – færa námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
B kenna námskeiðið sem fjarnámskeið í gegnum ZOOM á áður auglýstum tíma.

Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

0