Að njóta klassískrar tónlistar

Verð snemmskráning 34.900 kr Almennt verð 38.400 kr

Að njóta klassískrar tónlistar

Verð snemmskráning 34.900 kr Almennt verð 38.400 kr
Prenta
Nýtt
Snemmskráning til og með 22. janúar
Mán. 1. - 22. feb. kl. 20:00 - 22.00 (4x)
Guðrún Jóhanna Ólafsdóttir, mezzósópransöngkona og Francisco Javier Jáuregui, klassískur gítarleikari
Endurmenntun, Dunhaga 7

UPPLÝSINGAR UM ÁHRIF COVID-19 Á STARFSEMI EHÍ

Nýtur þú þess að hlusta á klassíska tónlist? Viltu skilja og njóta hinna mörgu blæbrigða hennar enn betur? Á námskeiðinu munu Guðrún Jóhanna Ólafsdóttir mezzósópran og klassíski gítarleikarinn Francisco Javier Jáuregui leiða þátttakendur inn í heim klassískrar tónlistar með útskýringum, lifandi tóndæmum, upptökum og myndböndum.
Kennslan fer fram bæði á íslensku og ensku.

Þau Guðrún Jóhanna og Francisco Javier hafa ekki einungis gaman að því að koma fram á tónleikum, heldur líka því að kynna tónlistina fyrir áheyrendum, útskýra og setja hana í samhengi við það umhverfi sem hún sprettur úr og segja sögur.
Saman hafa þau haldið fjölmarga geysivinsæla fyrirlestra á Spáni, þar sem gítarinn er ávallt með í för og hljómar í meðleik með rödd Guðrúnar, en einnig þegar þau útskýra þemu, hljóma, takt, blæbrigði og fleira. Að auki notast þau við hljóðupptökur og myndbönd á netinu með fremstu tónlistarmönnum heims til þess að opna þátttakendum nýjar dyr inn í undraveröld klassískrar tónlistar.

Þátttakendur námskeiðsins eru hvattir til þess að taka virkan þátt í umræðum um tónlist og spyrja spurninga.

Á námskeiðinu er fjallað um:

• Óperur, sinfóníska tónlist og ljóðasöng.
• Strengjakvartetta, raddgerðir, hljóðfæri, kirkjutónlist, einleikstónlist og þjóðlagatónlist.
• Félagslegan þátt tónlistar, tónlistarform, hugtök, greiningu á tónlist og tímabil í tónlistarsögunni.
• Heilsueflandi tónlistariðkun og tónlistarmanninn sem býr í okkur öllum.

Ávinningur þinn:

• Að njóta tónlistar enn betur með því að læra að hlusta á nýjan hátt, skilja betur blæbrigði, liti og form klassískrar tónlistar, hvaðan hún kemur og hvernig hún hefur þróast.
• Að skilja betur hvað tónlistin getur tjáð, umhverfi hennar, þjóðfélag og sögu.
• Að skilja betur hvernig raddir og hljóðfæri hljóma og virka, hvaða tilgangi tónlist þjónar og hvernig hún getur haft jákvæð áhrif á líf þitt.

Fyrir hverja:

Námskeiðið hentar öllum þeim sem hafa áhuga á og yndi af tónlist en hafa ekki sérþekkingu á henni. Engar forkröfur eru gerðar til þátttakenda.

Kennsla:

Mezzósópransöngkonan Guðrún Jóhanna Ólafsdóttir og klassíski gítarleikarinn Francisco Javier Jáuregui hafa komið fram sem dúó á tónleikum í fjórum heimsálfum frá því þau hófu samstarf árið 2002 við Guildhall School of Music and Drama í London en þau luku bæði meistaragáðu frá skólanum. Þau hafa kennt við Saint Louis University Madrid Campus á Spáni og haldið fjölda fyrirlestra um tónlist með lifandi tóndæmum, þar á meðal fyrir Stanford Bing Overseas Study Program. Þau eru stofnendur og stjórnendur Sönghátíðar í Hafnarborg.

Aðrar upplýsingar:

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
A færa námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
Bkenna námskeiðið sem fjarnámskeið í gegnum ZOOM á áður auglýstum tíma.
Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

0