Vellíðan og velgengni í starfi - með jákvæða sálfræði og núvitund að leiðarljósi

Verð snemmskráning 34.900 kr Almennt verð 38.400 kr
Prenta
Snemmskráning til og með 14. september
Mán. og mið. 24. og 26. sept. kl. 16:15 - 19:15
Bryndís Jóna Jónsdóttir, núvitundarkennari, MA í náms- og starfsráðgjöf og diplóma í jákvæðri sálfræði
Endurmenntun, Dunhaga 7.

Það er fjölmargt sem við sem einstaklingar getum gert til að stuðla að eigin vellíðan og velgengni. Á þessu námskeiði er farið yfir hvernig við getum nýtt okkur jákvæða sálfræði og núvitund til að efla okkur í starfi. Áhersla er lögð á hagnýtar æfingar og verkefni sem hægt er að tileinka sér strax og ná þannig að næra neistann og blómstra í starfi.

Á námskeiðinu er fjallað um helstu svið jákvæðrar sálfræði með áherslu á styrkleika, hugarfar og flæði ásamt því að skoða áhrifamátt bjartsýni, jákvæðra tilfinninga og samskipta. Farið er yfir hvað felst í núvitund, ávinning þess að tileinka okkur núvitund og hvernig við getum fléttað því inn í annasamt daglegt líf og starf. Áhersla er lögð á hvað við sem einstaklingar getum gert til að efla okkur og bæta líðan. Farið er í skemmtilegar og árangursríkar æfingar sem hjálpa okkur við að tileinka okkur nýjar leiðir til að nálgast áskoranir í starfsumhverfi okkar og stuðla þannig að eigin vellíðan og velgengni í starfi.

Meginmarkmið þessa námskeiðs er að veita innsýn í jákvæða sálfræði og núvitund ásamt því að fara í hagnýtar æfingar og kynna leiðir til að fólk geti nært neistann sinn og aukið um leið vellíðan og velgengni í starfi.

Á námskeiðinu er fjallað um:

• Helstu fræðasvið jákvæðrar sálfræði, s.s. styrkleika, flæði, hugarfar, jákvæðar tilfinningar og samskipti.
• Núvitund og ávinning þess að tileinka sér núvitund.
• Hagnýtar raunprófaðar æfingar sem byggja á grunni núvitundar og jákvæðrar sálfræði.
• Hvernig flétta megi jákvæða sálfræði og núvitund inn í daglegt líf og starf til að efla eigin vellíðan og velgengni.

Ávinningur þinn:

• Aukin sjálfsþekking, jákvæðni og jafnaðargeð.
• Meiri starfsgleði og samskiptahæfni.
• Fleiri verkfæri í verkfæratösku daglegs lífs, þ.e. þekking á æfingum og leiðum sem þú getur nýtt þér til að auka vellíðan og velgengni.

Fyrir hverja:

Fyrir alla þá sem vilja auka vellíðan og velgengni í starfi og nýta sér aðferðir jákvæðrar sálfræði og núvitundar.

Kennsla:

Bryndís Jóna Jónsdóttir hefur starfað við mannauðsstjórnun, verkefnastjórnun, ráðgjöf og kennslu. Hún er núvitundarkennari hjá Núvitundarsetrinu, með diplóma á meistarastigi í jákvæðri sálfræði og MA í náms- og starfsráðgjöf. Bryndís Jóna hefur sótt sér kennaraþjálfun og farið á fjölmörg námskeið varðandi núvitund bæði hérlendis og erlendis. Sem dæmi má nefna Teaching training við Bangor háskóla í Wales, námskeið um núvitund og stjórnun (mindful leadership) við Institute for Mindful leadership í NY, kennaraþjálfun um núvitund og heilsu hjá Breathworks í London og sótt masterclass hjá Oxford University. Þá hefur hún þýtt og kennt .b sem er breskt námsefni í núvitund fyrir 11-18 ára og nýlokið við að skrifa núvitundarnámsefni fyrir ungt fólk.

Bryndís Jóna hefur haldið fjölmörg námskeið, vinnustofur og fyrirlestra um núvitund, heilsueflingu og jákvæða sálfræði.

Mat þátttakenda

á mælikvarðanum 1 til 5
(5,0)

Umsagnir

Frábær fyrirlesari, mjög gott skipulag. Fullkomið!

Gott sambland af fyrirlestrum, myndböndum og æfingum. Praktískar æfingar sem hægt er að nota í daglegu lífi.

Fannst námskeiðið opna hug minn enn frekar um lífið og gildi þess. Finnst gaman þegar ég næ að auka víðsýni.

Líflegur fyrirlesari sem hélt manni algerlega við efnið - missti ekki úr mínútu.

Besta námskeið sem ég hef farið á :)
0