Google Analytics fyrir byrjendur

Verð snemmskráning 28.600 kr Almennt verð 31.500 kr

Google Analytics fyrir byrjendur

Verð snemmskráning 28.600 kr Almennt verð 31.500 kr
Prenta
Snemmskráning til og með 13. október
Mið. 23. okt. kl. 13:00 - 17:00
Hannes Agnarsson Johnson, sérfræðingur í vefþróun og stafrænni markaðssetningu hjá CCP
Endurmenntun, Dunhaga 7.

Google Analytics er frítt vefgreiningartól frá Google og er vinsælasta vefgreiningartólið í heiminum. Með því er m.a. hægt að sjá hversu margir skoða vefsíðuna þína, hvaðan þeir komu og hvað þeir gera á vefsíðunni.

Námskeiðið er ætlað þeim sem vilja læra betur á Google Analytics og nota það til að ná betri árangri með vefsíðuna sína. Að námskeiðinu loknu munu þátttakendur kunna að lesa helstu gögn og tölur sem leynast í Google Analytics og skipta máli.

Einnig verður farið yfir Google Search Console, sem vefstjórar (og aðrir sem koma að rekstri vefsíðna) geta notað til að greina vefsíður út frá því hvernig notendur og Google leitarvélin sjá þær.

Á námskeiðinu er fjallað um:

• Helstu hugtökin í vefgreiningu.
• Helstu atriði sem er gagnlegt að skoða í Google Analytics.
• Hvernig er hægt að fá betri tölfræði frá ákveðnum herferðum (t.d. tölvupóstum og vefborðum).
• Hvernig þú skoðar ítarlegri gögn um þá sem heimsækja vefsíðuna þína.
• Hvernig þú fylgist með hvort fólk sé að klára ákveðin ferli (skráningu, sölu o.s.frv.).
• Hvernig er hægt að búa til skýrslur sem eru sendar reglulega.
• Hvernig þú getur séð hvaða leitarorð fólk notar til að finna vefsíðuna þína.

Ávinningur þinn:

• Lærir að lesa í Google Analytics tölfræðina til að sjá tækifæri og læra meira um notendur/viðskiptavini (er eitthvað efni sem þú ættir að bæta við síðuna eða vara sem þú þarft að auglýsa betur?).
• Getur greint hvaða markaðssetning virkar og hver ekki (hvað ættir þú að setja meiri tíma og pening í og hverju ættir þú að sleppa?).
• Getur greint hvort vefsíðan sé að skila árangri (er fólk að gera það sem þú vilt að það geri?).
• Getur bætt sýnileika vefsíðunnar gagnvart leitarvélum (leitarvélabestun til að birtast hærra á Google og fá meiri umferð á vefsíðuna).
• Getur fengið tilkynningu frá Google ef það er óæskilegur kóði (spam, malware o.s.frv.) á vefsíðunni þinni.

Fyrir hverja:

Þá sem þekkja aðeins til Google Analytics og vilja notfæra sér það betur.

Kennsla:

Hannes Agnarsson Johnson hefur unnið við vefþróun og stafræna markaðssetningu m.a. fyrir TM Software, Tempo, Plain Vanilla, TripCreator og núna CCP. Hannes hefur verið að búa til vefsíður og greina vefumferð nokkurn veginn síðan hann kynntist fyrst Internetinu árið 1996. Hannes er með B.Sc. gráðu í tölvunarfræði frá Háskólanum í Reykjavík og diplóma í markaðssamskiptum og almannatengslum frá Opna háskólanum.

Aðrar upplýsingar:

FVB einingar: 6

Gert er ráð fyrir að þátttakendur hafi meðferðis fartölvu á námskeiðið og Einnig er gott ef þátttakendur eru búnir að setja upp Google Analytics reikning.

Mat þátttakenda

á mælikvarðanum 1 til 5
(4,56)

Umsagnir

Mér fannst námskeiðið gott þar sem ég hef enga reynslu af Google Analytics. Hannes var mjög skýr og fór vel yfir allt. Einnig eru glósurnar góðar sem gott verður að grípa í seinna meir. Það er ekkert sem mætti betur fara að mínu mati.
Fínt. Kennarinn kunni vel á Google Analytics og maður kom aldrei að tómum kofanum hjá honum.
Kennarinn skýr. Kom efninu vel til skila.
Það var mjög vel farið yfir efnið og spurningum svarað vandlega. Gott að vera með Google Analytics account svo maður geti prófað allt sem Hannes fór yfir á fyrirlestrinum. Frábært að hafa glærurnar!
Fínar útskýringar og vel skipulagt námskeið.
0