Microsoft Teams og OneDrive - FJARNÁMSKEIÐ

Verð 25.900 kr

Microsoft Teams og OneDrive - FJARNÁMSKEIÐ

Verð 25.900 kr
Prenta
Fim. 21. jan. kl. 13:00 - 16:00
Atli Þór Kristbergsson, ráðgjafi og kennari
Námskeiðið fer fram í rauntíma í fjarkennsluforritinu ZOOM.
Upplýsingar um þátttöku í ZOOM.

UPPLÝSINGAR UM ÁHRIF COVID-19 Á STARFSEMI EHÍ

Teams og OneDrive eru nýjar afurðir frá Microsoft og því mikilvægt að kynnast þeim rétt frá byrjun til að forðast einföld mistök sem gætu átt sér stað. Með Teams fæst skýrari fókus á verkefni þar sem öll umræða, efni og gögn tilheyra einum og sama staðnum. Meiri fókus þýðir minni tími sem fer forgörðum í leit að tengdu efni og því meira gegnsæi.

Á þessu námskeiði er farið yfir bæði OneDrive og Teams frá Microsoft en þau vinna náið saman og varla hægt að nota annað án þess að komast í kynni við hitt á einhverjum tíma. Byrjað er að fara yfir OneDrive en þar kynnumst við hvernig skýjalausnir halda utan um gögnin og hvar við getum nálgast þau. Með Teams fáum við tækifæri að nýta okkur þessa frábæru lausn til samskipta og sækjum gögn frá t.d. OneDrive.

OneDrive

Með OneDrive gefst tækifæri að geyma gögn miðlægt, deila þeim með öðrum og nýta sér útgáfustjórnun. Sumt af þessu á sér stað Í bakgrunni eins og samstilling á breytingum, útgáfustýring og fleira.
Sem hluti af Office 365 áskrift getur viðkomandi því vistað gögn í OneDrive, unnið með þau frá mismunandi tækjum og deilt þeim með innri og ytri aðilum sé það heimilt.

Farið er yfir hvað OneDrive er, hvernig það virkar og hvað er hægt að gera er kemur að deilingu gagna, samvinnu og fleira.

Yfirferð:
• OneDrive vs. OneDrive 4Bussiness – hver er munurinn?
• Hvað býður OneDrive uppá?
• Vistun á gögnum í OneDrive.
• Samvinna á gögnum í rauntíma.
• Deiling á gögnum frá OneDrive.
• Aðgangur að gögnum frá mismunandi tækjum.
• Afritun, endurheimtur og skjalastýring.

Teams

Microsoft Teams er fyrir teymi einstaklinga sem saman mynda hóp sem vinnur saman, deilir gögnum og eða vill eiga samskipti sín á milli í gegnum spjallborð svo eitthvað sé nefnt.

Innan hvers teymis má setja upp fleiri en eina rás er endurspeglar skipulag, í kringum ákveðin verkefni eða fyrir sameiginleg áhugamál. Innan rása má halda fundi, vera með hóp-spjall og geymsla gagna ásamt tengingum við önnur kerfi/lausnir. Hægt er að eiga spjall við einstakling alveg eins og við hópa.

Farið er yfir hvað Teams er, hvernig það virkar og hvað er hægt að gera er kemur að samskiptum, samvinnu, aðgengi gagna og fleira.

Yfirferð:
• Hvað er Teams?
• Hvað býður það uppá?
• Umhverfi Teams – Er munur á?
o PC, MAC, veflægt.
• Hópar vs. rásir.
o Hvernig stofna á hópa og rásir.
o Notendur, réttindi – Hvað má?
• OneDrive vs. SharePoint – geymslusvæði.
• Aðgengi að öðrum kerfum innan úr Teams.
• Munur á opnum hópum og lokuðum.

Fyrir hverja:

Námskeiðið er ætlað notendum Office 365 pakkans sem vilja nýta sér möguleika hans enn betur.

Kennsla:

Atli Þór Kristbergsson hefur starfað við upplýsingatækni frá árinu 1998, fyrst sem kerfis- og vefstjóri og sem deildarstjóri upplýsingatæknideildar Íslandsbanka svo eitthvað sé nefnt. Á síðari árum hefur hann einkum sinnt kennslu, ráðgjöf og vefsíðugerð.

Aðrar upplýsingar:

Þátttakendur þurfa að hafa Teams aðgang uppsettan áður en að námskeið hefst.

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
A – færa námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
B kenna námskeiðið sem fjarnámskeið í gegnum ZOOM á áður auglýstum tíma.

Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Mat þátttakenda

á mælikvarðanum 1 til 5
(4,44)

Umsagnir

Kennarinn var mjög vel undirbúinn og kom efninu skýrt og vel frá sér. Hafði góða
þekkingu á efninu og bætti við aukaefni sem hann sendi á meðan að námskeiðinu stóð.
Skýrt og vel uppsett efni, kennarinn kunni efnið frá a - ö og kom því vel frá sér.
Góð skipulagning og vel farið yfir allt. Ég kem úr grunnskóla og það var ánægjulegt að
Atli hafi náð að tengja umfjöllunina við skóla og vinnumarkaðinn.
Virkilega vel farið yfir eiginleika OneDrive og TEAMS. Margt sem ég mun taka með mér og nota í vinnu. Sérstaklega góð ábending að hefja vinnslu skjals í TEAMS til þess að ákveða staðsetningu þess. Mjög góð áherslan á að skoða tilgang teymis áður en það er búið til í TEAMS.
Mér fannst námskeiðið vel uppsett. Það svaraði ýmsum spurningum og nú er ég örugg í notkun á Teams og OneDrive. Atli fór vel yfir hvert atriði og gaf sér góðan tíma.
0