Í tilefni Alþjóðlega hamingjudagsins þann 20. mars var haldið afar áhugavert málþing í Háskóla Íslands sem bar yfirskriftina Hamingja, heilsa og vellíðan – samfélagsleg ábyrgð? Þar var meðal annars rætt um hamingju sem hæfni, þróun mælikvarða um hagsæld og lífsgæði og hamingju í Skútustaðahreppi! 

Útskrift 25 ökukennara fór fram síðastliðinn föstudag. Þetta er fyrsti útskriftarhópur ökukennara frá ENDURMENNTUN HÍ í kjölfar samstarfssamnings við Samgöngustofu um námið vorið 2017.

Nú þegar haustmisseri er um það bil hálfnað, er spennandi að fylgjast með því hver eru vinsælustu námskeiðin. Við tókum saman topp tíu lista og er óhætt að segja að þar kenni margra grasa.

Við þökkum öllum sem lögðu leið sína á opið hús hjá okkur á laugardaginn. Edda Björgvins hélt stuttan fyrirlestur um Húmor og aðra styrkleika, Örn Óskarsson fræddi gesti um fuglana okkar og hjónin Kristín Einarsdóttir og Gunnar Jóhannsson fjölluðu um og spiluðu dægurlög síðustu aldar. Þá hjálpaði Herdís Finnbogadóttir sálfræðingur gestum að öðlast andlega ró í fjölskylduhugleiðslu.

Rafmagn er komið á að nýju í húsnæði Endurmenntunar að Dunhaga 7 og kennsla verður með eðlilegum hætti frá og með mánudegi 8. okt. Við biðjumst enn og aftur velvirðingar á þeim óþægindum sem bilun síðustu daga hefur valdið viðskiptavinum okkar.