Í ljósi þess að heilbrigðisráðherra hefur sett á samkomubann og kveðið á um að Háskóla Íslands verði lokað í fjórar vikur mun Endurmenntun einnig loka og engin kennsla verða í húsnæði stofnunarinnar. Kappkostað verður að sýna viðskiptavinum og kennurum allan þann sveigjanleika sem EHÍ getur veitt miðað við aðstæður. Lagt verður kapp á að kennsla haldi áfram í formi fjarkennslu svo að nám riðlist sem minnst. Ef ekki tekst að bjóða upp á fjarkennslu mun kennsla frestast fram á vor. Viðskiptavinir fá upplýsingar um hvernig kennslu verður háttað á næstu dögum.

Í mars verður haldin hjá Endurmenntun röð námskeiða um spendýr á Íslandi. Fyrsta námskeiðið hefst mánudaginn 2. mars og þar mun Ester Rut Unnsteinsdóttir, líffræðingur hjá Náttúrufræðistofnun Íslands fjalla um refi, næst mun Erlingur Hauksson, sjávarlíffræðingur fjalla um seli, á þriðja námskeiðinu mun Edda Elísabet Magnúsdóttir, sjávar- og atferlisvistfræðingur fjalla um hvali og að lokum fáum við að vita allt um hreindýr hjá Skarphéðni G. Þórssyni, líffræðingi hjá Náttúrustofu Austurlands.

Í ljósi slæmrar veðurspár verður lokað hjá Endurmenntun á morgun, föstudaginn 14. feb. Appelsínugul viðvörun hefur verið sett yfir landið og við vonum að fólk fari varlega og haldi sig innan dyra á meðan versta veðrið gengur yfir. Húsið opnar samkvæmt dagskrá á laugardaginn.

Nú er nýtt ár gengið í garð og dagskráin hjá ENDURMENNTUN hefur sjaldan verið fjölbreyttari. Sérstaklega er gaman að vekja athygli á lifandi menningarnámskeiðum sem eru tilvalin fyrir þá sem vilja auðga andann með vorinu.

Það er aldrei að vita hverju von er á hér hjá Endurmenntun og það sannaði sig heldur betur um daginn þegar sjálfur forseti Íslands, Guðni Th. Jóhannesson, leit við á námskeiði Illuga Jökulssonar, Hvað ef?