Fréttayfirlit

Röð námskeiða um spendýr á Íslandi

Í mars verður haldin hjá Endurmenntun röð námskeiða um spendýr á Íslandi. Fyrsta námskeiðið hefst mánudaginn 2. mars og þar mun Ester Rut Unnsteinsdóttir, líffræðingur hjá Náttúrufræðistofnun Íslands fjalla um refi, næst mun Erlingur Hauksson, sjávarlíffræðingur fjalla um seli, á þriðja námskeiðinu mun Edda Elísabet Magnúsdóttir, sjávar- og atferlisvistfræðingur fjalla um hvali og að lokum fáum við að vita allt um hreindýr hjá Skarphéðni G. Þórssyni, líffræðingi hjá Náttúrustofu Austurlands.

Nýr bæklingur

Út er kominn nýr bæklingur Fyrir starfið sem inniheldur fjölbreytt námskeið á sviði stjórnunar og forystu, starfstengdar hæfni, fjármála og upplýsingatækni sem eru á dagskrá í mars og apríl 2018.

UT messan - Njáll vann

Nýverið vorum við á UT-messunni ásamt Háskóla Íslands. Það var virkilega gaman að fræðast um spennandi verkefni og áhugaverða framtíðarsýn ýmissa fyrirtækja. 

Til hamingju kandídatar

Það var hátíðardagur hjá okkur föstudaginn 9. febrúar síðastliðinn þegar 110 kandídatar brautskráðust við hátíðlega athöfn í Háskólabíó. Þar af voru 77 kandídatar úr námi til löggildingar fasteigna- og skipasala en aldrei hafa fleiri útskrifast á sama tíma úr því námi. 33 kandídatar útskrifuðust úr Leiðsögunámi á háskólastigi.

Jón Thors vann

Dregið hefur verið í happdrætti í tengslum við útgáfu bæklingsins Fróðleikur og skemmtun sem kom út í byrjun janúar. Jón Thors datt í lukkupottinn og hlaut gjafabréf að verðmæti 15.000 krónur. Allir sem höfðu skráð sig á námskeið úr bæklingnum fyrir lok janúar voru í pottinum. 

Viltu sofa betur?

Góður nætursvefn er afar mikilvægur fyrir heilsu okkar og líðan. Margir glíma þó við svefnvandamál af ýmsum toga. Í febrúar verður Erla Björnsdóttir sálfræðingur með þrjú mismunandi námskeið þessu tengd.

0