Fréttayfirlit

Röð námskeiða um spendýr á Íslandi

Í mars verður haldin hjá Endurmenntun röð námskeiða um spendýr á Íslandi. Fyrsta námskeiðið hefst mánudaginn 2. mars og þar mun Ester Rut Unnsteinsdóttir, líffræðingur hjá Náttúrufræðistofnun Íslands fjalla um refi, næst mun Erlingur Hauksson, sjávarlíffræðingur fjalla um seli, á þriðja námskeiðinu mun Edda Elísabet Magnúsdóttir, sjávar- og atferlisvistfræðingur fjalla um hvali og að lokum fáum við að vita allt um hreindýr hjá Skarphéðni G. Þórssyni, líffræðingi hjá Náttúrustofu Austurlands.

Ökukennaranám - ný námsbraut

Samgöngustofa hefur gert samstarfssamning við Endurmenntun um ökukennaranám. Ekki hefur verið hægt að stunda þetta nám um nokkura ára skeið en eftirspurnin eftir náminu hefur verið töluverð og því mikið gleðiefni að námið fari af stað næstkomandi haust.

Viltu vinna hjá okkur?

Við erum að leita að starfsmanni með víðtæka reynslu og tengsl í atvinnulífinu sem býr yfir lipurð í samskiptum, skipulagshæfni og er tilbúinn til að takast á við fjölbreytt verkefni í síbreytilegu umhverfi.

Nemandi vikunnar - Kristján Sturluson

Á hverjum vetri eru nokkur hundruð nemendur sem stunda nám hjá okkur í Endurmenntun sem er allt frá einu misseri upp í tvö ár. Til að veita örlitla innsýn í þann flotta hóp verðum við vikulega með einn nemanda í nærmynd. Við byrjum á Kristjáni Sturlusyni, nemanda í jákvæðri sálfræði. 

Kynningarfundur námsbrauta 23. maí

Þriðjudaginn 23. maí verður kynningarfundur hjá okkur á Dunhaga 7 á námsbrautum sem hefjast á haustmisseri.

Kennslustjórar, kennarar, fyrrverandi nemendur og verkefnastjórar verða á staðnum og kynna námsbrautirnar og svara spurningum.

Endurmenntun á Háskóladeginum

Við verðum með bás á Háskóladeginum þann 4. mars næstkomandi frá klukkan 12 til 16 á neðri hæðinni á Háskólatorgi. Við hlökkum til að sjá sem flesta. 

0