Ráðstefnur og fundir

null

Endurmenntun HÍ er staðsett í hjarta Reykjavíkur og tengist því helstu lífæðum borgarinnar eins og flugvelli, BSÍ, háskólasvæðinu sem og allri þeirri þjónustu sem miðborgin hefur upp á að bjóða. 

Við erum staðsett að Dunhaga 7 í hlýlegu húsnæði með  fjórum rúmgóðum 40 manna kennslustofum og glæsilegum 90 manna kennslusal. Hægt er að sameina tvær stofur sem rúma þá um 80 manns. Kennslustofurnar eru allar vel búnar tæknibúnaði sem þarf til funda, ráðstefnu, kennslu og fjarfunda. Í húsnæðinu er gott aðgengi fyrir fatlaða.

Persónuleg og fjölbreytt þjónusta

Til að auðvelda þér skipulag og framkvæmd viðburða getur starfsfólk Endurmenntunar HÍ veitt þér fjölbreytta þjónustu. Við getum annast skráningu þátttakenda, innheimtu ráðstefnugjalda, fjölritun gagna, útvegað tækniaðstoð og veitingar eftir samkomulagi. 
Léttar veitingar er hægt að bera fram hvort sem er inn í kennslustofum eða við setustofur. Í húsnæðinu er einnig matsalur sem tekur allt að 50-60 manns í sæti ef óskað er eftir máltíðum, matsalurinn er þó einungis opinn á virkum dögum.

Í öllum kennslustofum okkar er eftirfarandi búnaður:

  • skjávarpi
  • nettenging
  • flettitafla
  • tússtafla
  • ræðupúlt og hljóðnemi

Önnur þjónusta sem hægt er að óska eftir:

  • fjarfundabúnaður
  • fjölritun gagna
  • tækniaðstoð
  • skráningar
  • innheimta
  • pennar og blöð
  • veitingar
  • matsalur á virkum dögum

Upplýsingar

Skrifstofa okkar er opin frá kl. 8.00 - 16.00 alla virka daga. Áhugasömum er velkomið að líta á aðstöðuna. Gott að hringja á undan til að tryggja að viðkomandi stofur verði lausar.
Tilboð og aðrar upplýsingar er hægt að nálgast í síma 525 4444 og eða með tölvupósti: endurmenntun@hi.is