Námskeið fyrir félagsfólk Starfsþróunarseturs BHM
Starfsþróunarsetur BHM og Endurmenntun HÍ hafa endurnýjað samning sinn þar sem félagsfólki Starfsþróunarseturs býðst að sækja valin námskeið hjá Endurmenntun HÍ.
Samningurinn verður nú með breyttu sniði en nú gefst hverjum einstaklingi færi á að sækja eitt námskeið sér að kostnaðarlausu. Námskeiðin sem um er að ræða eru sérstaklega valin þannig að sem flest geti nýtt sér þau til að efla sig í starfi.
Félagsfólk getur skráð sig á eitt námskeið sem kemur ekki til frádráttar á styrkupphæð einstaklinga. Kjósi einstaklingar að skrá sig á fleiri en eitt námskeið eru þau sem fyrr styrkhæf hjá Starfsþróunarsetrinu.
Upplýsingar um afsláttarkóða sem nota skal við skráningu sækir þú inn á „Mínar síður“ á vef BHM.
Afsláttarkóðinn gildir aðeins á þau námskeið sem birt eru hér fyrir neðan. Ef afsláttarkóðinn er notaður á fleiri en eitt námskeið er veittur sjálfkrafa styrkur fyrir þeim námskeiðum sem kemur til frádráttar á inneign viðkomandi hjá Starfsþróunarsetrinu.
Öðrum en félagsfólki með virka aðild að Starfsþróunarsetri BHM er með öllu óheimilt að nota afsláttarkóðann. Ef afsláttarkóðinn er notaður af einstaklingi sem ekki hefur aðild að Starfsþróunarsetrinu verður námskeiðsgjald innheimt með greiðsluseðli á viðkomandi einstakling.
Ert þú ekki viss um aðild þína?
Hér eru upplýsingar um aðild einstaklinga hjá Starfsþróunarsetrinu.
Öllum námskeiðum á vormisseri 2026 er nú lokið.
1. Nýr notandi þarf að setja inn netfang, smella á „Halda áfram“ og búa sér svo til lykilorð. Notandi sem þegar er til í kerfinu smellir á „Fara í innskráningu“.
2. Athugið að við skráningu þarf þátttakandi að setja sína eigin kennitölu í reitinn Kennitala greiðanda. Afsláttarkóðinn veitir 85% afslátt af námskeiðsgjaldi og er settur inn í síðasta skrefi skráningarferlisins (Greiðsla og staðfesting).
3. Setja á afsláttarkóðann í reitinn Afsláttarkóði.
1. Nýr notandi þarf að setja inn netfang, smella á „Halda áfram“ og búa sér svo til lykilorð. Notandi sem þegar er til í kerfinu smellir á „Fara í innskráningu“.
