Námskeið fyrir Félag íslenskra hjúkrunarfræðinga
Félag íslenskra hjúkrunarfræðinga (Fíh) og Endurmenntun HÍ hafa gert samning þar sem aðildarfólki býðst að sækja eftirfarandi námskeið á haustmisseri hjá Endurmenntun HÍ með 85% afslætti.
Námskeiðin sem um er að ræða eru sérstaklega valin þannig að sem flest geti nýtt sér þau til að efla sig í starfi. Þátttaka á þessum námskeiðum kemur ekki til frádráttar á styrkupphæð einstaklinga. Félagsfólk Fíh getur sótt um til Starfsþróunarseturs Fíh (StFíh) endurgreiðslu fyrir þeim 15% námskeiðsgjaldsins sem það greiðir sjálft vegna námskeiða hjá Endurmenntun HÍ.
Upplýsingar um afsláttarkóða sem nota skal við skráningu sækir þú inn á „Mínar síður“ á vef Félags íslenskra hjúkrunarfræðinga.
Afsláttarkóðinn gildir aðeins á þau námskeið sem birt eru hér fyrir neðan. Öðrum en félagsfólki Fíh er með öllu óheimilt að nota afsláttarkóðann. Ef afsláttarkóðinn er notaður af einstaklingi sem ekki er félagi verður námskeiðsgjald innheimt með greiðsluseðli á viðkomandi einstakling.
Athugið að nýjum námskeiðstímum er reglulega bætt við, svo endilega fylgist vel með þessari síðu.
Skráning
Nýr notandi þarf að setja inn netfang, smella á Halda áfram og búa sér svo til lykilorð.
Notandi sem þegar er til í kerfinu smellir á Fara í innskráningu.
Athugið að við skráningu þarf þátttakandi að setja sína eigin kennitölu í reitinn Kennitala greiðanda. Afsláttarkóðinn veitir 85% afslátt af námskeiðsgjaldi og er settur inn í síðasta skrefi skráningarferlisins (Greiðsla og staðfesting).
Setja á afsláttarkóðann í reitinn Afsláttarkóði.
Staðfesting á skráningu berst með tölvupósti til þátttakenda.
Afskráning
Afskráning skal berast til Endurmenntunar HÍ í tölvupósti.
Breytingar
Endurmenntun HÍ áskilur sér rétt til að fella niður eða fresta námskeiðum ef óviðráðanlegar aðstæður koma upp.