Sveiflumeistari Ríkisútvarpsins og helsti söngdansahöfundur þjóðarinnar, Jón Múli Árnason, fæddist þann 31. mars 1921 og hefði því orðið 100 ára árið 2021. Námskeið um ævi Jóns Múla hefst á mánudaginn 15. mars þar sem farið verður í grófum dráttum yfir æsku hans og uppvöxt, tónlistarnámið, Ríkisútvarpið, jazzþættina, stjórnmál og ýmislegt fleira. Einnig verður rætt um stórsveitarformið, s.s. hvað einkennir slíka sveit og samsetningu hennar. Í námskeiðsgjaldi er innifalinn miði í úrvals sæti á tónleika Stórsveitar Reykjavíkur í Eldborg í Hörpu sem haldnir verða til heiðurs þessa merka manns. Við hvetjum tónlistarunnendur til að kynna sér þetta skemmtilega námskeið og eiga góða stund með minningu Jóns Múla á frábærum tónleikum.