Nemendur og ástvinir fögnuðu saman

Útskriftarnemar Endurmenntunar HÍ og ástvinir þeirra fögnuðu innilega saman mikilvægum tímamótum í hátíðarteiti í Háskólabíói eftir að brautskráningu lauk sl. föstudag. Eins og fram kom í ávörpum og ræðum hátíðargesta er um að ræða stóráfanga í lífi hvers og eins nemendanna.

Ósk okkar hjá Endurmenntun HÍ er að veganestið sem þessi góði hópur fer með út í lífið héðan einkennist af stolti, þroska, ánægju, góðum minningum og alls kyns félagslegum tengingum sem gefa fjölbreytta möguleika í framtíðinni.

Myndirnar tók Eva Ágústa Aradóttir.