Nær­ing á nýju skeiði: Kraft­ur til fram­tíð­ar

Hvað er gott að hafa í huga með breyttum næringaráherslum og hvernig getur góður matur aukið lífsgæði?

Lífið byrjar af krafti eftir starfslok og svo hægt sé að sinna áhugamálinu, félagslífinu, viðhalda golfsveiflunni og styðja við heilsuna þarf stuðning af góðu mataræði. Á þessu námskeiði verður farið yfir helstu áherslur næringar með tilliti til nýs æviskeiðs og breytingu venja eftir starfslok. Lagt er upp með næringarfræðslu svo auka megi næringarlæsi, skoðaðir áhrifaþættir næringar, næring í takt við hreyfingu og hvað ber að varast svo hægt sé að njóta lífsins af krafti eftir starfslok.

Námskeiðið hentar öllum þeim sem hyggja að starfslokum eða eru nú þegar hætt að vinna, vilja huga að heilsunni og hafa gaman af. Námskeiðið hentar ekki þeim sem leitast eftir matarkúrum og megrunum, en viljir þú öðlast aukna færni í að setja saman næringarríkar máltíðir þá gæti þetta verið námskeiðið fyrir þig. Námskeiðið getur einnig hentað þeim sem starfa með heilsu einstaklinga við starfslok.