Bók­menn­ing og fjöl­skyldu­læsi

Námskeið fyrir foreldra sem hafa áhuga og vilja til að stuðla að öflugri og jákvæðribókmenningu á sínu heimili.

Bóklestur hefur mikil og góð áhrif á unga lesendur og þótt grunnskólanemar lesi heilmikið í skólanum er nauðsynlegt að lestrar - og bókauppeldi fari jafnframt fram inni á heimilum. Mikilvægt er að börn læri að njóta þess að lesa í eigin frítíma og af fúsum og frjálsum vilja. Fjallað verður um fjölbreyttan ávinning þess að börn lesi bækur og annað efni sem þeim er ætlað í frítíma sínum og með hvaða jákvæðu leiðum foreldrar geta stuðlað að auknum yndislestri ungra lestarhesta og stuðlað að góðri bókmenningu og fjölskyldulæsi innan síns heimilis.

Námskeiðið er einkum ætlað foreldrum barna á grunnskólaaldri. Foreldrar yngri og eldri barna eru þó hjartanlega velkomnir.