Ráð­stefn­ur og fund­ir

Endurmenntun HÍ er staðsett í hjarta Reykjavíkur og tengist því helstu lífæðum borgarinnar eins og flugvelli, BSÍ, háskólasvæðinu sem og allri þeirri þjónustu sem miðborgin hefur upp á að bjóða.

Við erum staðsett að Dunhaga 7 í hlýlegu húsnæði með þremur rúmgóðum 30 – 40 manna kennslustofum og glæsilegum 90 manna kennslusal. Hægt er að sameina tvær stofur sem rúma þá um 60 – 80 manns. Kennslustofurnar eru allar vel búnar þeim tæknibúnaði sem þarf til funda, kennslu og ráðstefnuhalda, svo sem skjávarpa, fletti- og tússtöflu, ræðupúlti og hljóðnema.

Í húsnæðinu er einnig öflugt þráðlaust net og gott aðgengi fyrir hreyfihamlaða.

Léttar veitingar er hægt að bera fram hvort sem er inn í kennslustofum eða við setustofur.