Með hjartað í frístundastarfinu

Á námskeiðinu verður farið yfir meginhlutverk frístundaheimila og hlutverk starfsfólks frístundar. Fjallað verður um leiðir sem miða að því að skapa öryggi og vellíðan barna í frístundastarfi en þar skiptir miklu máli hvernig dagurinn er skipulagður, þátttaka starfsfólks með börnunum, gæði í samskiptum og mikilvægi þess að skapa tengsl og traust milli barna og starfsfólks. Fjallað verður um þessa þætti og einnig um hvernig starfsfólk á frístundaheimilum getur nýtt áhugamál sín og styrkleika í starfinu með börnunum. Þá verður farið yfir birtingarmynd hegðunarfrávika, árangursríkar leiðir til þess að bregðast við tilfinningastjórnun barna og þá þætti sem draga úr líkum á að barn missi stjórn á sér.

Námskeiðið er fyrir starfsfólk frístundaheimila sem starfa með 6 – 9 ára börnum.