Hagnýt launavinnsla

Viltu auka öryggi og fagmennsku við krefjandi verkefni launasérfræðings?

Á námskeiðinu er farið ítarlega yfir launavinnslu og hlutverk launasérfræðings. Unnið er með raunhæf dæmi sem endurspegla dagleg verkefni í starfi og þátttakendur fá heildstæða sýn á ferli launavinnslu frá upphafi til enda.

Farið er í helstu þætti launavinnslu, þar á meðal launaútreikninga, launaleiðréttingar, orlof og orlofsskuldbindingar, launabókhald og aðra þætti sem hafa áhrif á laun og launavinnslu. Einnig er lögð áhersla á verklag, nákvæmni og góða yfirsýn sem styður við fagleg vinnubrögð.

Að námskeiði loknu búa þátttakendur yfir traustri þekkingu og hagnýtri færni sem gerir þeim kleift að leysa raunveruleg verkefni sem launasérfræðingar standa frammi fyrir.

Námskeiðið er ætlað starfandi launasérfræðingum eða þeim sem hafa hug á slíku starfi. Einnig gagnast námskeiðið þeim sem starfa við bókhald eða mannauðsmál og vilja efla hæfni sína með aukinni sérfræðiþekkingu á sviði launavinnslu.