Frá þörm­um til þanka

Kynntu þér hvernig þarmaflóran og taugakerfið eiga stöðugt samtal sem hefur áhrif á heilsu og vellíðan á hverjum degi.

Á þessu námskeiði er fjallað um tengsl meltingarkerfis og taugakerfis með áherslu á hlutverk þarmaflóru og þarmaslímhúðar í heilsu og líðan. Skoðað verður hvernig samspil örvera, ónæmiskerfis og taugaboða hefur áhrif á orku, einbeitingu og andlega líðan.

Farið verður yfir hugtakið microbiota-gut-brain axis, eða samskipti þarma og heila, og hvernig breytingar í meltingarvegi geta haft víðtæk áhrif á líkamsstarfsemi. Einnig verður fjallað um hvernig streita, næring, svefn og lífsstíll móta þetta samspil og hvaða leiðir geta stutt jafnvægi í líkamanum.

Áhersla er lögð á að tengja nýjustu vísindi við hagnýta innsýn sem þátttakendur geta nýtt sér á hverjum degi.

Námskeiðið er ætlað öllum sem hafa áhuga á tengslum meltingar, heilsu og líðanar. Það hentar einnig heilbrigðisstarfsfólki, ráðgjöfum og öðrum sem vilja dýpka skilning sinn á samspili meltingarkerfis og taugakerfis. Engar forkröfur eru gerðar.