Innra eft­ir­lit - lyk­ill að ár­angri

Markmið námskeiðsins er að skapa aukinn skilning hjá þátttakendum á innra eftirliti og hvernig það styður við framgang stefnumiða. Fjallað verður um helstu grunnþætti innra eftirlits og hvaða hlutverki það gegnir í rekstri fyrirtækja og stofnana. Hugað verður að uppbyggingu og rekstri innri eftirlitskerfa og skoðuð ábyrgð stjórnarmanna, stjórnenda og starfsmanna á sviði innra eftirlits.

Um er að ræða hagnýta kennslu þar sem umfjöllun um innra eftirlit er studd reynslusögum úr atvinnulífinu. Þátttakendur munu taka virkan þátt í námskeiðinu með umræðum og úrlausn verkefna.

Þátttakendur fá kynningarglærur og vísun í greinar og annað faglegt efni á sviði innra eftirlits.

Námskeiðið er ætlað stjórnendum og öðrum starfsmönnum sem vilja efla þekkingu sína og færni á sviði innra eftirlits.

Námskeiðið er samþykkt af prófnefnd verðbréfaréttinda og gefur 3,5 klst í almennri endurmenntun verðbréfaréttinda.